البارت العاشر

1843 Words

البارت العاشر للحياة ثمن رأيتها فظننتها القمرُ ‏جمالها فوق جَمال البشر ‏خجل القمر مـטּ جَمالها ‏فما بالكَ وأنا مـטּ البشر ‏أصبحتُ مجنوناً بِها ‏وبعينها اللؤلؤ المندثرُ ‏قد ڪُنت حيًا قبلُها ‏وأصبحتُ بعدَها أحتضر ..?? السلام عليكم مشتاقه الكم هوايه الكاتبه حواء حواء البغداديه علاء دخلت عليهم للأستقبال بيت خالو وكلتلهم رهف تبقه يم خالو انتفض رضا وكال شنو هذا الحجي شنو هاي جديده علاء ...لاجديده ولاقديمه رهف يم خالو متروح الخال مثل ماكال علاء رهف يمي رضا شنو بكيفكم تفرضون شنو مالي راي لو مالي حق الخال بنت اختي اجت وطلبت حمايتي هاي اولا وثانيا مثل ميكول ابو المثل الخال والي بعد الاهل رضا وين جنت عنهم وهسه تحجي الخال انت من خذيتهم من بيتهم برضاتهم وكانت المسؤله عليهم عاليه بس هسه اختلف الوضع هسه همه يردون يمي رضا وهوه يصير عصبي وكال مو بكيفكم والله ادخل اسحلهه سحل واخذهه علاء وهو يرف شاربه ويكول لو تموت متمد ايدك عليهه احنه انه حرية الاختيار مو بكيفك انت رضا وهوه متعصب وماعرف يرد على علاء والخال صاح بصوت عالي هز البيت عاليه يالله امشي وبعدين الي تصرف وياكم راح هوه وعاليه وأسماعيل بس كان حيل معصب رهف ..دخل عليه علاء وخالو وكال باجر ترجعين اداومين بكليتج الخال اي خالو لان الفاتج هوايه صارلج بشهر معطله محد يفيدج غير مستقبلج رهف وهيه فرحانه وجاي تشوف النصر بعيون اخوهه وكالت بس ملابسي وملازمي كولهه بيت رضا علاء وهو يتقرب منهه وكال هسه اخذج لسوك وشتحتاجين اشتري والملازم اني انطيج فلوس وشتري رهف ...لاول مره اشوف بعيني اخويه كبر وصار اله راي وبديت احس بي صارلي سند حسيت بفخر وهزيت راسي بلقبول وطلعنه اني وياه اشتريت سيتين وجنطين وحذائين لان ماردت ازيد عليه بلطلبات لان ادري بي امكانيته مو قويه رهف ..اكول علاء منوين هذي الفلوس اجيبهن علاء ..وهو يذب نفس رفع راسه وبتسم بوجهي وكال لايضل بالج جاي اشتغل رهف ..متفاجأ وتكول شتشتغل انت احب اعرف علاء ..جاي اشتغل ويه ابو صديقي بمعمل ثلج رهف ..جرت نفس بريحيه وصدكت اخوهه وبتسمت وكالت الله يرزقك رهف ..بعد ما اسوكنه اني وعلاء رجعني للبيت وصاني شحتاج اخابره وكلي اهتمي بمستقبلج اهم شي امجد ..بقيت الوب لاني للسمه ولااني بلكاع احس نفسي ضايع مادري وين اسال الجهاز مغلق ورحت المشتاق صديقي سالته عليهه كال بيت خالهه رتاحيت من كال يم بيت خالهه رهف وره اسبوع من المشكله بعد ماكمت اداوم روحي رفت على شوفت امجد وتمنيت اشوفه بس عقلي يكولي ابعدي ولا تنطين فرصه لرضا والا غيره يلزم زله عليج وكلبي اله راي اخر بدون ما احس على نفسي سحبت الفون ودكيت على رقم امجد امجد اني بسوبر ماركت مال صديقي ودك فوني باوعت بلفون وشوف رهوف يابه روحي طارت راسا رديت عليه بلهفه رهوففففف رهف عيونهه اشلونك امجد..وعيونج هسه يلله صرت زين ليش هلكطعه رهف فدوه امجد قدر موقفي اني مو حرة نفسي امجد..يروحي يكفيني اسمع صوتج لاتكطعين بيه رحميني رهف وعيونهه تعلن ان**ارهن بدموع وكالت والله ماكدر اكطع اني جاي اكطع بروحي بس شسوي انت تدري بضروفي امجد اجي اخطبج من خالج رهف ..بخوف وتوسل لالا امجد اياك فدوه بس تجي يصدقون اني عندي علاقه بيك امجد ..بحيره والحل شنو رهف نخليهه على الله وهو يصفي الامور خلي نترك الموضوع هسه والله كريم بقه امجد يحجي ويايه بلساعه وسولفتله على وضعي وعلى بيت خالو وكال يوميه خابري لان يضل باله وفرح اكثر من سمع بيه راجعه للكليه واعدني يجي باجر يشوفني رهف ..وين ما اروح حضي يجيب عثره بطريقي هنا عثرتي ناس يحبوني لاكن بحبهم يمكن راح يدمروني الي هو ابن خالي صلاح الي هو مزوج وعنده اثنين اطفال وزجته تغار عليه من الهوى صلاح عسكري ينزل ١٢ يوم ويلتحق ١٢ يوم فليوم نزول صلاح وزوجته محتاره شسوي من طبخ وترتيب وفرحانه طايره من الفرحه بزوجهه دك الجرس راحت تركض فتحت الباب منى صلاح حبيبي تشابكت وياه امام انضار الجميع وهو بادلهه الاحضان التفت على امه وابوه بوسهم وسلم عليهم اني كنت واكفه على بايات الدرج وخاله اصبعي بحلكي مستحيه منه لان صار هوايه لا شايفني ولا شايفته صار اكثر من ٤ سنوات كان خالو وزوجته همه يجونه ويسالون لكن صلاح ابد مشايفته صلاح ...وهو متفاجأ برهف وعيونه طايره عليهه وعلى تغيرهه وجمالهه الي ياخذ العقل اتقرب لابوه وكال يابه بس لاهاي رهف الاب وهوه يهز راسه ويبتسم وكال اي هاي رهوف صلاح وهو يخطي خطواته اتجاه رهف وكال ولج هاي يمته كبرتي رهف وهيه تخلي راسهه بلكاع وكالت اشلونك صلاح صلاح ..وهو يبصهه بص بنضرة اعجاب انتبه لنفسه بعد ما سلمت عليه وصحه من شروده وكال الحمد لله رهف ..بعد ما سلمت على صلاح حسيت زوجتة بعيونهه نضرة غيره اني راسا دخلت بغرفة خالو وسديتهه عليه ما اريد ادخل بمعمعه من جديد اريد اعيش بسلام ما اريد اعادي احد فتحت ملزمتي وصرت اقره وره ساعه ندكت الباب ونفتح الباب صلاح هاي ليش كاعده بوحدج ليش متجين يمنه تعالي تعشي ويانه رهف بخجل لا ما اشتهي اتعشو انتو صلاح وهو يدخل للغرفه ويسحبهه من ايدهه ويكول لا ماكو ما اشتهي لازم تتعشين ويانه سحبهه من ايدهه وطلع للصاله امام انضار الجميع ضحك الخال وكال ها صلاح جابج غصبا عليج يعني عشه اجباري الام وهيه تضحك ودكول و ابني وعرفه مادام كال تتعشين معناهه تتعشين ماكو فلته منه رهف بين ما خالو وخاله يحجون ويشاقون سمعت **رة ماعون وكع بلارض التف*نه متفاجأين وشفت منى الماعون واكع من ايدهه وهيه عيونه تتطاير غيرة خجلت من موقفي لان اني ماكنت سبب كان السبب زوجهه الي ما يقدر مشاعرهه اني راسا اجيت دنكت الم الكزاز نغتني براسي وكالت عوفيه اني المه رهف سحبت نفسي منهه وعرفت روحي راح ادخل بمعمعه جديده بس شسوي غلست تعشينه واني كوه ابلع لكمه احس بنضرات صلاح ونضرات زوجته الي كولهه ترقب اضاهر صلاح كاعد ويه خالو ومسولفله السالفه كولهه صلاح فتح الموضع واحنه كاعدين وبده يتوعد لرضا وكال مو بكيفه وشتكي عليه ومن هذا الحجي الميخلص اني برغم من سلبيات رضا بس مهمه يكون هو ابن عمي وزوج عاليه اختي ما ريده ينضر بلمحاكم والمراكز اريد يقتنع ومن رضاته ويقدر وضعنه ويحترم ارادتنه هذا الي اتمنيناه امجد ...خابرتني رهف وكالت باجر داوم اني طارت روحي من الفرحه برغم ما هيه صارهه اسبوع اداوم بس اني كنت ماعندي علم اتفقت وياهه باجر اجيهه الصبح لباب الجامعه وقنعتهه كوه لان هيه تخاف لا احد يشوفهه بس مو مكد خوفي عليهه لان اذا داومت اكدر اشوفهه بس اذا مداوم ما اكدر المحه اصلا لان هيه مالهه طلعه كعت الساعه بسبعه الصبح واني اساسا منايم دخلت للحمام وبدلت لبست جينز وبلوز فيلي وستره سوده مشطت وتعطرت واني طاير من الفرحه نزلت من الدرج واني متجه للباب سمعت صوت امي الام شنو تطلع بدون متتريك امجد وهو خال ايده بجيوب بنطلونه ويتجه لامه مبتسم لايوم ما اشتهي الام وهيه تركز بملامح ابنهه بحياله وتكول اليوم وجهك الفرح والعافيه بيه امجد يسحب اديه من اجيوبه ويرفعهن يحضن بيهن وجهه امه الي اكباله وجه ميت سؤال بي وكال يوم ادعيلي الام بفرح يمه محروس حبيبي من عين كول من بي شر وانشاء الله ينولك الي بالك حبيبي امجد يببوس امه بجبينهه ويكولهه الله يخليج اليه غاليتي رهف نزلت من الخط على الشارع امام بوابة الجامعه وشفت سيارة امجد بدون شعور خذتني رجليه واني اشوفه لابس نضارته وفاتح جام السياره وخال ع** ايده على باب الجامه واصابعه يحك بيه لحيته من شافني ابتسم وحرك السياره اتجاهي فتح الباب واشرلي اصعد وياه رهف اني وكفت مسمرة بمكاني ما كدرت اصعد خفت و خجلت بقيت واكفه وباوعله وهو ياشر اخر شي صاح رهف اصعدي عندي حجي وياج رهف ..بتلعثم ارجوك امجد لتلح عليه ماكدر اصعد امجد بقلة صبر رأسا ينزل يفتح الباب ويسحبهه من ايدهه ويكعدهه بص*ر يمه طبك باب السياره وباوع يمنه ويسره عدل ياخته ورفع راسه التفت من الجهه الثانيه وصعد السياره وراح رهف بعد ما صعد امجد بسياره كلبي ديدوك دكات سريعه بيه خوف ورجفه وتوتر نزع نضارته وباوع عليه وشافني خاله اديه الثنين بحضني وعصر بيهن امجد..بحنيه رهوف تدرين ممصدك انتي يمي ولج منخابرتيني لهسه اني ممغمض رهف ..منزله راسهه ومترفعه وبس التوتر مسيطر عليهه امجد لاحظ الهيه بي راسا سحب ايدهه وشبكهه بصابع اديه حس بحرارة اييدهه رفع راسه عليهه وكال ليش هلكد متوتره حبيبتي رهف ها لالا مامامتوتره بس خايفه احد يشوفنه امجد حبيبتي امني والله هذا المكان بعيد على بيتنه امني محد يشوفج وثانيا علواه احد يشوفنه ويذبوج براسي اني اريدهه من الله رهف وهيه فازه من مكانه وتكول عزه لعزاني هاي انت صدوك تحجي امجد لامو صدوك صدك وهو مية من الضحك عليه وعلى برائتهه رهف لازم ايدي واني مادري شجاي يصير بيه مشاعر وخبصه بداخلي ما اكدر اوصفهه واحس الحرارة تغزي جسمي سحبت ايدي منه ميقبل باقي لازم ايدي بين ما اسحب ايدي سحبهه عليه وطبع بشفايفه بوسه دافيه حسيت بدفو شفته تغلغلت مشاعر بداخلي لاول مرة احس بيه مشاعر اسرتني وهدئت روعي وخلتني اسيره امجد ..ردت اهدئ روعهه واطمنه لان حسيتهه خايفه ومرتبكه ردت هذا اليوم اشيل بي حاجز الخوف الي بداخلهه ردتهه تعلن عن ما في داخلهه ما اعرف رغبه حب شوق شغف ماعرف تعبير اله بس شي المتاكد منه بان اني اريدهه وتمنه لحضه متخلص وياهه شفت مطعم طبكت عليه وكتلهه انزلي نزلت وهيه تنزل بسترتهه ترتب بيهه واني نزلت من السياره وشوفهه كدامي نزلت لابسه التنوره القصيره وسيقانه مبينه وتقاسيم جسمهه الي تنطق الحجر شفت شباب بلمطعم كاعدين يباوعون عليهه وبصوهه بص يابه بساعتهه عقل ما بقه براسي راسا سحبتهه من ايدهه ورجعتهه للسياره لان ما اريد يشوفون ويتمنوهه مثل ما اني كنت احلم بيه واتمناهه رهف بعد ما دخلنه المطعم بعدنه مكاعدين اشو هذا راسا سحبني وطلع فتح السياره وكعدني بيه واني اشوفه تغيرت ملامحه وعاكد حاجبه وعيونه تتطاير شرار صعد السياره وساق التفتت عليه وسالته رهف برائه ..امجد شكو شصار امجد ..بغيره وبغيض شوفي رهف هذا لبسج اخ مره تلبسينه مفهوم رهف ليش شبي لبسي وهيه تباوع لنفسهه ومحاسه بان لبسهه بي غلط امجد ..وهوه يستهزء لا مابي غلط وانتي مطلعه اازرورج لليسوه ولي ميسوه يباوع عليهن شنو جاي تعرضين نفسج رهف بخجل لا قبل اشكم يوم اني وعلاء رحنه اشتريناهم امجد شوفي رهف اني اكواجياهه بصريح العباره ومن هسه اني طريقة لبسج متعجبني رهف بخجل ها ليش مو حلوات امجد يابت الناس مو موحلوات بس مصخمات يعني فضيحه ماريد الرايح وجاي يباوعلج وثانيا اني هذا البس بس اليه اني احب اشوفج بي بس غيري لا رهف باريحيه يعني مو موحلوات بس انت لان تشوف الناس تباوعلي بيهن امجد وهو معصب اي همزين افتهمتيهه رهف بعفويه بس اني ملابسي كولهه هيج ماعندي غيرهن امجد محلوله اني هسه اجيبلج وعلى ذوقي رهف شاف دار ازياء محل كولش فخم طبك السياره و كلي انزلي نزلت وياه وهو كوه لازم !نفسه من الغيض والغيره ومحتار وين يضمني شافلي فستان بيجي كولش حلو الصراحه عجبني طويل وكان جوه كلوش يعني فستان مال محجبات اشترالي ٣ وجنط وياهن ورهم الهن شالات واني بس فقط اقيس لان كان ذوقه كولش حلو تفاجأة من اشترى الشالات كال ادري بيج ما متعوده عليه بس اني عاجبني تتحجبين الحجاب وصفات وجهج وبياضه تصيرين تخبلين اني بوقتهه ابد ما عترضت حسيت نفسي كاعد يكملني بكول تصرفاته ويخاف عليه ويغير عليه فرحت بي حيل بس الي ضوجني ماردت هو الي يشتريلي او يدفع الفلوس عاد اني كوتله ما راح اخذهن منك لان اني ما اقبلهه انت تصرف عليه امجد ..بعد ما سمع كلامهه وسع اعيونه عليهه وكال لو عتي هذا الحجي مره ثانيه اطيح حضج وبعد متشوفيني فاهمه رهف ..بوقتهه حسيت نفسي جفصت وغلطت بحقه بس هوه بلعهه بعديين جاب لفات كباب وكص بلسياره كلناهن وكال اريد منج طلبين الى اللقاء احبتي استودعكم برعاية الله وحفضهه موعدنا غدا انشاء الله اختكم حواء حواء البغداديه لاتنسوني بتعليقات ولايكات احبكم موت

Free reading for new users

Scan code to download app

App Store Google Play

Facebookexpand_more