البارت الحادي عشر

1780 Words

البارت الحادي عشر ...... للحياة ثمن من طبع الورد تشتمه كل ناس بس عطرك غريب حير انفاسي الناس تحط العطر ساعه ويروح وانته سنين عطرك يض*ب ابراسي.?? السلام عليكم احبتي يسعدني ويشرفني ان التقي بكم مجددا ??? اختكم الكاتبة حواء البغدادية.? علاء بعد ماعفت رهف بيت خالو قررت لازم اني اعتمد على نفسي وشيل مسؤولية اخواني وخصوصا رهف ما ريدها تنذل لو تحس بقصور وعلي اخويه مشواره طويل ولازم يدرس ويصير احسن مني اني عرفت وفهمت طريق عبود هو الطريق الي يسلكه بي الهلاك بس لازم اسلكه لان ما منه جاره لان لازم اضحي لخواني ولازم يعيشون حتى لو كان الثمن حياتي خابرت عبود وكتله اني مستعد وين متريد اني وياك فرح عبود وكال هذا الحجي الصحيح لازم تعيش وتعيش اخوانك وقررنه موعد اول عمليه الي هيه اقتحام مبنه حكومي لسرقة مخازن تحتوي على قطع غيار للسيارات وفعلا تمت العمليه بمساعدة الحرس وتقاسمنه الي سرقناه ولزمت الفلوس بيدي واني عازم على الدنيه اذلهه ولاتذل اخواني ولازم اعيشهم احسن عيشه خذت الفلوس مالتي بجنطه ودخلت على سونه الساعه وحده بليل ما اخفي عليكم كانت اكو حسره بداخلي الي هيه سببهه تورطي بهيج طريق اساسا ما كنت افكر بي ولا يجي على بالي يوم لكن الضروف كانت اقوه مني سونه ...وهيه تسمع جرس الباب يرن فزت من نومهه وهيه تشك بوصول علاء سونه تتقرب من الباب وكالت منو علاء بتعب افتحي الباب اني علاء سونه ..بلهفه وفرح يابعد عمري انت فتحت الباب ودخلت علاء اشلونج سونه سونه وهيه ..تتقرب اله وتشبكه وتكول حبيبي اشو صارلك يومين ماكو علاء وهو يبتعد منهه وينزع بقميصه ويخلي جنطه امام انضارهه على طبله وكال كنت بشغله واليوم يالله خلصت سونه بترغب وحيره وقلق كالت علاء شغلتيش وهذي الجنطه شبيهه علاء .بتباهي وكال هاي فلوس سونه تلطم بكف ايدهه على ص*رهه وكالت ولك ورطك عبود بعت روحك ولك اسويت وهيه منهاره وعصبيه وصوتهه عله علاء بعصبيه ونزعاج من شافهه علت صوتهه وتحاجي بلوم كال اشش ماريد اسمع ولاكلمه معليج انتي سونه اشلون معليه ولك عبود ضيعك على مود وصخ الدنيه علاء ضحك ضحكت قهر وهو يورث جكارته وكال وصخ دنيا ياسونه مو هذا البعتي نفسج عليه موهذا اسالج سوال لو كنتي ما محتاجه وضعج مستقر ترحين عند الجيران تخدمين على مود ينطوج الاكل الزايد عدهم لو لحبيتي وعافج يجيبلج شي بالف بالفين واخذ اغلى ماعندج سونه علاء بس انت رجال وتكدر تعيش بلحلال علاء وهو يض*ب الحايط بو** ويخلي ايده يقطر دمهه وكال يا حلال الي يعيش بنيه وثنين ولد وهمه بداية مشوارهم اشكد الحلال يوفرلي وشكد اكدر انطي منه وشلون اعيش بي واني يوميتي تفاليس لاكدر اكون نفسي ولا اكدر اعيش اخواني لو ابقى بعد عشر اسنين يا حلال الي مخليني عايش الذل ياحلال الي اني بصفحه وخواني بصفحه يا حلال الي يخليني يوميه افكر واني مرعوب اخاف على اختي تعيش لو تنجبر على الي عشتي سونه بعد ما شافته منهار وايده تقطر دم اتقربت منه وهيه تريد تمتص غضبه وتهدي روعه وكالت اني اسفه حبيبي بس والله اخاف عليك سحب علاء ايده منهه بقوه وكال اذا تخافين على روحج بعد ماتشوفيني سونه وهيه مرتبكه ومخبوصه وتخاف من زعله عليهه وهيه تكول لالا الله شاهد موهذا قصدي واذا كلامي ديغثك بعد ما احجي راحت ركض وطلعت الشاش والبيوتادين داوي جرح علاء الي بايده رهف بعد ما كال عندي طلبين اني بقيت اباوع عليه بتفاجأ رهف كول امجد رهف اوعديني ماتقبلين بغيري مهما تكون ضروفج رهف امجد خليك متاكد كولش زين اني احبك وماكدر اصير لغيرك امجد زين اذا جبروج شلون رهف بتحدي كالت والله اموت نفسي وما ازوج غيرك امجد مال اموت نفسي هذي لاتعيدينهه لان انتي بلنسبه الي انتي الهوى الي اشمه وما توقع حياتي بلياج بدل متخسرين حياتج وتاذيني اذا ايستي من اهلج اخذج وطلع لتركيا وشيصير خلي يصير رهف بخوف لا عفيه لاتحجي هيج اشون تريد اقبل ا**ر بخواني وخليهم للشمات ميكدرون يشيلون روسهم لو اموت ما سويهه امجد يعني تفرطين بيه زين اذا اني ماكدر اعيش بلياج اشلون انتي تعيشين وخليهه بالج اي واحد يصير هو الي سبب بعدج عني ثقي راح يصير هو حصتي رهف بخوف امجد عفيه لاتتهور ولاتصعب الامور عليه وربك يسوينه حل امجد هز راسه بعدم رضا من رد رهف وهو مضيق اعيونه ويباوعلهه وعقله قافل على شي هو لو يخسر الدنيا كلهه اله رهف رهف امجد مكتلي الشي الثاني شنو امجد رهف الشي الثاني سواء انتي اليه لو لغيري لاتذبين الحجاب رهف بس اني مو محجبه وضوج منه احسه يقيدني امجد حتى اذا كتلج لخاطري شالت راسهه وباوعت بعيونه وكالت امجد احبك عاليه بعد ما اصر علاء ورهف بان رهف تبقى بيت خالو صار رضا يوميه عركه وطلابه اني وياه بس شسوي اخاف منه لان ادري بي من يعصب يفقد وميحترم وهذا علاوي اخويه الزغير كول ساعه وكال اريد اروح يم اخواني اني بنسبه اليه علي ربيته اني لان هذا الزغير ماكدر افاركه بقيت بين نارين اخر شي قنعته وكتله يبقى يمي وكول جمعه يشوف اخواني اخلي يروح الهم علاء بعد ما صار النقاش ويه سونه عصبتني بكلامهه واني ادري بيهه هيه من حرصهه عليه بس الضروف الي جبرتني اني مو بطران سونه وهيه ترتمي بحضان علاء بعد ما كان مزعوج وضايج وهيه تبوس بي وتحاول ترضي بكول طريقه علاء... فتح ايديه الاثنين وهو يحتضنهه ويبوس بيه بحب وحنان وكال سونه اني تعبان اريد ارتاح سونه بدلع ومراوغه وشغف حبيبي اني موجوده اهنا لراحتك. انت اهنا امير واني جاريه ضحك على طريقة كلامهه وكال يامير امير الحراميه سونه يرحولك فدوه حبيبي الامراء والحراميه يا احلى علاء بدنيه كولهه قضه وياهه ليله ممتعه ونام بسبات رهف العصر واني جاي اقرض بضافر خالو لان نضره مو شي اتعود عليه هذي الفتره كولهه اني اتكفل خدمته مثل كوي ملابسه او احلق راسه او القط وجهه اوغسل ملابسه لان زوجة خالو كانت سمينه حيل فما تكدر تخدم خالو كانو هم الي يخدموهه فكنت اني بهذي الفتره احب وستمتع بخدمتهم لان همه يسمعوني كلام طيب ويتشكروني اهوايه او يمدحوني صارلي بلشهرين بيت خالو الي مايوم خشن خاطري بحجايه اليوم اجيت من الكليه ولكيت صلاح جاي من الجيش اني من شفته ما ادري ليش حسيت مضايقه مو منه بس من تصرفاته الي مبالغ بيه اتجاهي وتخلي زوجته تغار مني او تتحسس من اهتمامة رهف السلام عليكم الكول وعليكم السلام صلاح هله برهوف اليوم ولج شطالعه رهف بخجل اشلونك صلاح هاي يمته اجيت صلاح بلوحده الضهر اجيت وحضري نفسج اخذج ويانه للزياره نطت زوجته وكالت ليش رهف اتروح ويانه صلاح اي طبعا اتروح لعد تبقى. هيه هم مطالعه وتضوج رهف بحراج لالا الله عليكم روحو معليكم بيه اني عندي واجب صلاح واجبيش هذا اليوم خميس وباجر جمعه اقري رهف بتهرب لالا مالحك عفيه الخال خالو ليش مترحين هم تزورين وهم تغيرين جو وهم تتونسين وصير عندج حافز للقرايه رهف خالو والله ما اكدر اروح اني عندي كومه واجبات صلاح هاي هيه اليوم معذور بس المره الجايه لا اجباري رهف بقيت قلقانه بداخلي وحايره وخايفه من عيون زوجته الي بدهه تاكولني من الغيض والحقد دخلت غيرت ملابسي ورحت للمطبخ صبيت غده وكعدت اكول واني صافنه بوضعي يارب يمته اخلص صحاني من شرودي صوت منى وهيه تكول يارب يمته الله يخلصني شنو هذا بلاء لو متحان يمته ارتاح حسيت نفسي اني المقصوده بكلامهه وستهضمت وضجت من روحي بس شسوي بقيت محتاره حسيت يبست لكمه بحلكي عفت الاكل وكمت واني ما اعرف ادافع على نفسي ثاني يوم الساعه ١١ الصبح كان جمعه كنت داتريك ويه خالو وزوجته بغرفتهم لان كانت زوجة خالو تتعب من تمشي فدائما اكلنه يصير يمهه دخل علينه صلاح وهو لازم علاكه بيهه ملابس وغراض عطور وشامبوات وحلويات وكال هذي العلاكه الج جابه وخلاهه بحضني وكال خلصي ريوكج وقيسيهن اني اتبسمرت حتى ما عرفت اشكر منه لان الموقف البي لا احسد عليه راح للغرفه مالته ونسمع الصايح صار وض*ب ركضنه اني وخالو ردنه انشوف شنو الي صار فتح الباب خالو وكال هايابه كولو شصار منى وهيه تعيط وتصرخ حيل وتكول اللله لايوفقهه بنت اختك كاعد تغوي بزوجي وتريد تاخذه مني ومن جهاله اتقرب صلاح بعصبيه وكال وهو يض*بهه راشدي في سبيل يسكتهه وكال انتي صدوك ادبسز سدي حلكج لا اندمج منى بصوت عالي وحده والله اله اموتهه هاي ام الولد اتقرب عليهه زوجهه وموتهه تموت اني بقيت ارجف لا اخذ ولا انطي بقيت حايره بامري صاح خالو منى استحي ولادمرين بعراض الناس عيب عليج اشو مد تستحين متخافين الله بقت تتوعد واني خجلت من نفسي بيت خالو انخبص خبص اخر شي لمت ملابسهه وراحت لهلهه وهذا الي زيد الطين بله وره ساعات من العركه اجت امهه و***بت طوبه اصياح وغلط وفشار عليه وعلى صلاح بوقتهه ملكت صلاح بس خالو خالو صعد ضغطه وكام يرجف من الانفعال وبقه يتوعد بان منى بعد ماترجع للبيت بعد الي سوته نمنه والصبح كعدت وسمع صلاح يحاجي بخالو ويكوله اني اريد ازوج رهف رهف من سمعت كلامه جسمي رجف وخفت حيل وقررت هذي المره اواجهه ما اضم راسي لان السكته مو من مصلحتي ولازم اوكف بوجه الكول لان اذا سكتت يعتبرون سكوتي رضا بقيت الوب اخر شي كلت عيب اني افتح الموضوع وياهم خليهم همه يحاجوني سويتلهم ريوك واني اعصابي تفور صاحوعليه اتريك وياهم مقبلت كتلهم معتي ماذيتني دخلت للغرفه طلعت ملازمي ردت اقره ماكدرت سمعت فوني وصله مسج شفته امجد كاتب عافيتي اني من شفته بقيت حايره اكوله لو لا من غيضي وخنكتي ردت افرغ الي بداخلي واحجيله كتله امجد هيج وهيج السالفه امجد بغضب لج انتي شكاعد دتحجين ابن خالج شنو رهف مثل ما داكولك امجد لاتزيد عليه اني مخنوكه امجد لج خنكتيني اليه هذا ابن خالج مو مزوج وعنده اطفال اشلون ديفكر بيج بهل طريقه هذي رهف كولي شاسوي اني حايره وخايفه وحس بيت خالو بعد مالي مكان بيه لان زوجة صلاح بعد مطيقني وثاني شي من راح ارفض صلاح اكيد ميتقبلهه بسهوله رهف رفضي وخلي يولي هذا لو عنده نوماس مباوعلج وعاف زوجته وانتي مثل ميكول جايتهم دخيله رهف ..هوالله شاهد مسمعني حجايه او تحارش بيه امجد بقلت صبر وعصبيه وغيره مخلاهه تكمل كلامهه وكال اش اش اي والله زين خوش ولد علاء ..اليوم اني رايح لبيت عبود اريد اشوفه ولتقي بي تلاكت ويايه بنيه شايله علاكه مال مخضر بيدهه ومدنكه راسهه وتمشي التفتت بصدفه عليه وباوعت بوجهي راسا اتبسمرت بمكانهه وبقت متفاجأة اني بقيت اباوع عليهه بعدين حسيت على نفسي وخجلت اتقربت منهه وكتلهه انتي مو اخت عبود بلعت ريكهه وكالت اي بلي اني اخت لعبود سالتهه على عبود كالت موجود بلبيت وبعدين سالتهه على امهه كالتي اشويه احسن حسيت على نفسي شفت نفسي عيب عليه اشون واكف وياهه بشارع خاف الناس تنتقدهه كتلهه امشي كدامي لا احد يشوفج فتحت اعيونهه عليه وكالت وحتى اذا شافونه وشنو يعني علاء بتفاجأ كال لج انتي ثوله ولد وبنيه واكفين شتصوريد شيكولون عليهم امشي كدامي اشكد ثوله بقت متفاجأة وتمتمت اخر شي شفتهه تاففت وراحت وهيه مزعوجه من طريقة كلامي وياهه بقيت اضحك عليه بسري واني اشوفهه بريئه برائة طفل بجسد مره قبل لا اوصل بيت عبود راسا دك عليه فوني رفعته وشوف رضا ..تفاجأة رضا يخابر عليه ممسويهه قبل رديت عليه بتكبر وكلت ها خوماكو شي رضا علاء عندي موضوع وياك ولازم هسه تجي لان الشغله واصله حدهه علاء ياستار شكو الى اللقاء بموعد جديد واحداث جديده التقيكم غدا انشاء الله اختكم ...حواء حواء البغداديه وللحياة ثمن لاتنسوني بتعليقات والايكات احبكم موتتتتتتتتت اعذروني على السحك البارت ما مدقق

Free reading for new users

Scan code to download app

App Store Google Play

Facebookexpand_more