البارت الثاني

1620 Words

البارت الثاني للحياة ثمن للكاتبه حواء حواء البغدادية السلام عليكم احبتي اسعدتم مساءا.?? رهف .. .بعد ما رجعت من المدرسة رجعت مسطوره سطر مريضه افلاونزه وصخنت وبقيت بل افراش ٣ ايام مكدرت اروح للمدرسة قبلها بليلة كنت نايمه وحسيت ادين ناعمه مرت على وجهي فتحت اعيوني وشفته اخويه علي كاعد بصفي وهو قلقان وكال رهوف متكعدين رهف وهيه ذب حسره كالتله حبيبي مداكدر افتح اعيوني راسي حيطوك علي عاليه جاي سويج اكل حتاكلين اصيرين زينه رهف سحبت ايده وبستها وخليتها على خدي لان بارده وبقيت تقريب عشر دقائق وهو كاعد يمي كوتله حبيبي طلع كتبك وتعال اقره واني مجطوله يمك علي يفز من مكانه وكال اي صدوك عندي امتحان اسلامية راح جاب كتبه وبقى يمي يقره واني ساعة افتح اعيوني وساعة اسدها دخلت عليه اختي عالية وهيه شايله الصينيه بيدها وابنها لازم ثوبها ويمشي وراها عالية عدها ولد وحامل حمودي عمره سنتين هذا احنه نموت عليه وهو الي مونسنه ومنسينه الوقت عالية رهوف حبيبتي اكعدي اكلي حتى تشربين علاجج سويتلج سوب لحم لان يفتح بلاعيمج رهف مداكدر اكعد دايخه عالية وهيه تتقرب لرهف وترفع راسها وتخلي المخاديد وره ضهرها قصدها تسندها قربت الصينيه الها وتشرب بيها وتكول لاتصيرين مابيج خير ساعدي نفسج صارلج ٣ ايام على هل وضع حتى دروسج فاتتج رهف ساعدت نفسي وصرت اشرب من ايد عالية وهيه مكابلتني وتكول وجهج صاير طماطة وميته ضحك رهف وهيه تضحك اي طماطه ممروده حسيت السرير يهتز انداريت وشوف حمودي ابن عالية يكمز وميت من الضحك اتمنيت ابوسه وعضعضه بس ما بيه حيل عالية حمودي انزل ماما خاله دايخه وتعبانه عوفها سحبت نفسي من عالية ومديت ايدي برفض كتلها عفيه كافي بعد ما ريد لعبت نفسي عالية زين هاج اشربي علاجج خذت الحبات من ايدها وشربتهن ونمت حسيت الباب انفتح وضوه اشتغل فتحت اعيوني شفت اخويه علاء وهو واكف على راسي وعيونه قلقه ويسال ها ما صرتي زينه رهف لا شويه احسن سحبت نفسي استند على راس السرير وكعدت كتله علاء بيش الساعه كال بلوحده رهف وهاي انت هسه يالله اجيت ذب حسرة وكعد بصفي وخله عكوس ايده على ركبة ومنزل راسه وكال اي توني اجيت لان ما اريد اشوف احد رهف واني اشم بي ريحة ال اركيله كتله ها علاء تشرب اركيله ليش هيج سوي علاء مو من الخير هو اني اريد انسى وضعنه اطلع اتونس وي اصدقائي شويه اريد اغير جو رهف هاي ياونسه وانت اشوفك جاي تصرف تصرفات متليق بينه علاء وهو ضايج كال يا تصرفات لخاطر ربج الي تليق بينه ليش وضعنه يلق بينه التفتت عليه وكتله متعشي علاء اي متعشي علاء اكولج اني اريد ارجع لبيتنا شنو نبقى اهنا بمنية رضا لو هذا النسيواني ضياء يتمرجل علينه رهف اي اني اتمنى بس اشلون نعيش علاء تقاعد ابويه يكفينه واني ادورلي شغله رهف بس عاليه متقبل دكول ما اكدر افاركم علاء عالية لو رضا والله هيه تخاف منه وتكول اخاف عليكم رهف فدوه لعينك بس هل سنة خلينه اهنا انت تطلع من الثالث واني اطلع من السادس والله كريم هز راسه وفرك شعره وكال اوف اوف يالله نصبر السنة شسووي اذا انتي وعالية مجلبات طلع من الغرفة واني قلقانه عليه اعرفة عصبي ورضا يحقر وياه ميكول مراهق وبعده ازغير لا يقسي عليه حيل دعيت بسري يا ربي وفقه ولا تخلي يمشي طريق اعوج بحق حبيبك محمد كعدت الصبح احسن من بقيت الايام وبدلت ولبست ملابسي نفسهن ونزلت لكيت عالية مسويتلي حليب شربت منه اشويه ونطتني علاجي والف دينار وطلعت بس قبل لا اطلع كتلها عاليا كعدي علاء يروح للمدرسه لان البارحه اجه متاخر بوستها وطلعت واني امشي بطريق شفت البيت نفسه بس ماكو لاسيارة ولاصونده وبابهم مزدود طلعت قريبة للمدرسة مالتي وشفت سيارة نفسها واكفه براس الشارع مال مدرسة الضاهر كان منتضر احد اني ماثرت اهتمام تعديت منه سمعت باب السيارة انفتح واحد صاح يبنيه اوكفي درت وجهي شفته يلوحلي بلجنطه لنسيتها عدهم بقيت مرتبكة اروح لو لا خجلت منه وخفت احد يشوفني بقيت مبسمره بمكاني وباوعله اتقدم اتجاهي وكال وهو مبتسم صباح الخير رديت عليه برتباك ص صصباح النور كال وهوه عيونه عليه هذي نسيتيها عدنه راسا خذتها منه بدون كلام سحبتها على السريع ودرت وجهي واني مرتبكة وخايفة وي دورت وجهي اني اصتدمت بص*ر ولد راسا ارفع راسي واني مرتبكة وكتله العفو العفو الولد راسا كال لايابه اني اكول العفو بويه موعيون ..كان يحجي وسرحان بوجهي ولج شنو هاي ملاك يمشي بشارع اني راسا هو يحجي واني سرعت خطواتي واني مرتبكه ما حسيت اله اسمع المضارب بين الولد وبين امجد امجد صارلي ٣ ايام مرابط اريد اشوفها من شفتها اجت احس مجرد النضر الها انتعش صحت عليها ما اجتي بقت بمكانها تقدمت عليها ونطيتها الجنطه هيه راسا خذتها ودارت وجها وي دورت وجها راسا انض*بت بص*ر الولد هذا الولد اعرفه يسمو ستار كبسله هذا يكبسل ويكعد بلشارع مال مدرسة والرايحه والجايه يعا**ها سمعته اتغزل بيها اله اني دمي فار راسا تقدمت عليه وض*بته بو** نيمته بلكاع ولتمت علينه الناس فاككتنه اتمنيت اشوفها احجي وياها وكلها يابنت الناس استري نفسج ليش انتي خاله نفسج لخلق الله ف*جه بس ما نطتني مجال شفتها من بعيد تمشي سريع الضاهر خافت ودخلت للمدرسة واني شغلة السياره وطلعت للكلية رهف بعد الي صار وشفته جثتي كولها بدت ترجف وخفت خاف يطور الموضوع واحد يجيب سيرتي دخلت للصف واني منا مريضة صرت فد نوبه اجت صديقتي ساره ولزمت ايدي وكالت ولج رهف شبي جسمج يرجف رهف بعد ماكدرت اقاوم لان اني من طبعي جبانه وخوافه من هيج امور راسا بجيت وسولفتلها الموقف كوله هيه كامت تواسي بيه وكالت ماكو شي وانتي ليش مكبره الموضوع وانتي شعليج منهم اخر شي بداخلي شي ارتاح وفكيت اشويه وغيرت جو ولمت نفسي كلت اشدعوة اني مكبرة الموضوع ليش اني شعندي وياهم علاء كرهت المدرسة حيل حيل وبنفسي اشتغل واعتمد على نفسي لان احس بنفسي مهان لكون اخذ المصرف من ايد رضا ورضا لاطيقه ولا يطيقني برغم اني اعرف كولش زين هاي فلوسنه اجار البيت وتقاعد ابويه عندي صديق ويايه بلمدرسة ابوه يشتغل بمعمل ثلج وكان صديقي بلصيف يشتغل ويه ابويه لكون هذي الشغله مو سميه وهم هو لان معطلين ماكو مدارس يشتغل ويه ابوه ففتح الموضوع ويايه وكال اني اشغلك ويايه بموسم الثلج وتستفاد خير من الله فرحت بداخلي وبقيت منتضر للصيف اشتغل وياه لان الامتحانات النهائيه بعدلها شهرين رهف رجعت من المدرسة بنفس الطريق لكيت الطفل الي بللني واكف بلباب باوعت عليه شافني ضحك وهو مكشر اسنونه اني من شفته ضحكت وهو يباوعلي اشرتله بيدي حركه البي باي وتعديت سمعته صاح باسمي رهف درت وجهي واني متعجبه منين يعرف اسمي خليت اصبعي على شفتي وكتله اش عيب هو من شافني هيج ضحك وسد الباب ودخل للبيت وصلت البيتنا والكه سياره تنزل غراض بقيت متفاجئة بس هذي الغراض المن وشنو جيتهن شفت اسماعيل ابن عمي وياه زلم ينزلون غراض دخلت جوه لكيت البيت مكلوب كلاب اجيت لعالية كتله شكو شديصير وهيه تاشرلي بصبعها اشارة لاحد يسمع كالت هذا اسماعيل طلع مطلوب وباع بيته ووفه بيه الديانه واخذ اذن من رضا وجاي يكعد يمنه لحد ما تدبر اموره رهف ليش وين يكعود مو ماكو غرف زايده عالية وهيه متردده مو اخذو غرفة علاء وعلي رهف وهيه متفاجئة وتكول لعد وين يكعدون عاليه وياج ملابسهم وينامون بلاستقبال رهف هزيت ايدي وصعدت كتلها ياعاليه هيه المكبره عوزه جثث الله يخليج صعدت لغرفتي وسمع الهوسه الضاهر اجو عائلة اسماعيل اسماعيل ازغر من رضى بس مزوج قبل رضا عنده ابنيه من عمر علاء اخويه ولد اثنين اول ابتدائي ورابع ابتدائي وزوجته ما محتكه بيه اهوايه بس حسب جاي اشوفه حبابه بنته اتحبني ودائما تتعجب عليه وتكولي هنيالج انتي شكد حلوه هيه مواصفاتها حنطيه عيونها اكبار وخشمها اكطش مثل متسميها ام رضا كوله تصيحلها الكطشه امجد مرت الايام وراح تعطل اخر السنة واني ما اكدر احصل فرصه للتعارف بيناتنا واتمنى اشوفها جنت دائما اروح لمشتاق صاحبي وجنت اكعد باب صديقي وصير اكبالهم اريدها بس تطلع ماكو سالته على العائله مدحلي بيهم وكتله اريد اخطب عدهم كلي زين ما ختاريت بس البنيه احنه ندري بيهم يردوها لبن عمها امجد من كال هذي الكلمة فزيت وحسيت حلمي راح وت**ر كتله من ابن عمها مشتاق ولك فد واحد خركه وكول حظ مابيه امجد معقوله تزوجه وهو مابي خير مشتاق اي طبعا تقبل لان اختها الجبير مزوجه رضا اخو فاكيد تقنعها وثانيا عايشين بيت واحد وهيه يتيمه ترهم سالفتهم امجد هوه يحجي واني نار بيه اخر شي كال والله شايل حظ هيج وحده تسوه راسه تصير قسمة الفاهي جلال بعد ماايست واني اشوف البنيه متنطي وجه كلت اكيد قانعينها بي رهف اجه علاء ولكه ملابسه بغرفتي ضاج وكام يحجي اخر شي كال اني اروح لخالي وخلي هو ليحجي وياهم اني ما مرتاح اهنا ولاريد ابقى بقيت اهد بي وكتله اذا تريد اني انام بلاستقبال علاء هاي صدوك انتي تحجين لو اموت ما اخليج تنامين جوه دخلت علينه عاليه وتتوسل وقنعته كوه بان زوجها يستحي من اخوه وهو مجبر رهف اتقبلنه الوضع وفاتت فترة ومتحنت وطلعت معدل ٧٠ الحمد لله ونقبلت تربية عربي جامعة المستنصرية وعلاء طلع من الثالث دور ثاني وعلي همين نجح وراح ثالث ابتدائي وعالية جابت ابنيه سموها عسل بس كانت اسم على ما اسمى تخبل بس بهذي الفتره امجد ابد ما شفته صارلي اسبوع اداوم بلكلية سجلت خط ويه ولد كان يعرفه علاء عند سياره كوستر كان ياخذ طلبه للمستنصرية وسجلني وياهم ليش ما يوم من الايام صاعده بلكوستر وخاله راسي على الجامه من صفحة الباب وسمعت الولد ابو سياره يصيح امجد امجد وكفت السياره وصعد ويانه بسياره اني من شفته مدري شصار بيه وهو مشافني بس اني شفته بقيت كلبي يدوك دكات سريعة واسمعهم يحجون على سيارته عطلانه ودازها للتصليح و وضاهر شافه بشارع واشرله هو كان واكف باب السيارة لان السيارة مقبطه ماكو كشن فارغ ردت انزل لان وصلت راس شارعنه لان كانت فاتحه موجوده فما كدر يدخل صارله يومين ينزاني على الشارع اني من ارتباكي كان الباب مفتوح وهو واكف اتقربت انزل وكانت السيارة بعدها تمشي راسا رفعت راسي شافني بهت لونه وعكد حاجبه وفك حلكه نسى ينزل لو ينطيني مجال اني من ارتباكي نسيت السيارة بعدها مطابكه راسا نزلت ومااحس اله واني واكعه بل شارع الي اللقاء في لقاء جديد انشاء الله اختكم حواء البغدادية لاتنسون التعليقات ولايكات ممنونه منكم

Free reading for new users

Scan code to download app

App Store Google Play

Facebookexpand_more