البارت السادس

1621 Words

البارت السادس للحياة ثمن حال اذادنوت ارتوي واذا ابتعت ارتجي واذا احتضنت اكتوي واذا ابتسمت انتشي السلام عليكم احبتي في كول مكان وفي جميع البلدان اينما كنتم يحل السلام اشكور كول من دعمني وتابعني لانجاح قصتي اختكم الممنونه منكم حواء حواء علاء حياتي جاي تمشي بس ما مقتنع بيهه بس شسوي هذا الكاتبه ربي ما ادري الضروف بعد ما ساعدة عبود وصلته لهله صار حيل ايودني ويريد خاطري وصار ملازمني طول النهار اتعرف عليه وسالني على وضعي وسولفتله كتله على وضعي وحياتي من بدايتهه لحد نهايتهه كلي ابو حمره لتخاف اني بضهرك وشتحتاج اني وياك للوحه وياك شي بداخلي فرح وحسيت اول مره بحياتي واحد يسندني لو يصير ضهر وتجايه اليه سولفلي على وضعه وعن عائلته كال اني عندي اخو انفقد بطائفيه وخت مزوجه واخت بعدهي وامه الي مريضه بلقلب وسولفلي على شغله الي هوه بمتاجرت السلاح باحده الاسواق المشهور بغداد بمتاجرت السلاح عرض عليه اشتغل وياه بس اني خفت اتوسل كال انته متروح همه يجوك للمكانك يشترون منك بس اني ما امنت خفت لان اول مره اشوف اواسمع بهيج شغلات عزمني بيته وكان بيته موفخك متوسط اتعجبت يشتغل بسلاح واموره توب مثل مكلي ليش بيته بهل بساطه سالته كتله عبود شعجب هذا بيتك وليش انته بهذا المستوه عايش عبود التفت وضحك بتك خد وهز راسه وكال شسولفلك اشلون اقنعك هذي سالفه علاء وهو الفضول صار يقره عنده الف لاعفيه سولف عبود اني من انفقد اخويه الدنيه حيل قست ويايه وحيل اتلطمت بيهه لان اخويه كان هوه الي معيشنه وكايم بمسوليتنه من بعد فقده دورت شغل ماكو اتعرفت على شخص يبيع شاي بلسوك مريدي وبقيت فتره ابيع فاني من طبعي شاطر وفطن اتعرفت على شخص اسمه ابو عمار هذا حباب واخو خيته وعرف ضروفي كلي حرامات هذا شغلك بشاي انته لازم توكف على رجليك ولازم تكون نفسك شنو الشاي بي مستقبل مستقبلك ويايه اني فرحة لحاصل بقيت فتره اشتغلت وياه وصار خير من الله بعدين كالولي اكو بضاعه بستان خارج خاج بغداد رحت وياه وجنت متلهف.ومتفاجء افلوس اهوايه وستفاده الحاصل وصلنه البستان وكان منتضرينه اثنين سلمو على ابو عمار وترسوله السياره ترس ونطاهم فلوس وسلمنه عليهم جاي نطلع مانحس اله سيارات التمت علينه وبده الرمي بكول مكان اني كنت اسوق الولد لباب البستان انقتلو وبوعمار هم لان اجته طلقه بسياره وض*بته براسه بس اني نهزمت اخر شي لحكوني سلبو السياره وخذوهه هيه وسلاحه خذوني ٣تيام يمهم تحققو ويايه وعرفو بيه اني اول مره اجي وياه بهيج طريق وحلفتلهم بعد ما ارجع لو اكول وهددوني لا ارى لا اسمع لا اتكلم اني خفت ردت بس افلت بعدين ذبوني عشارع بمنطقتي امي من سمعت بيه وشاف*ني بهل وضع اتخبلت وتخربطت وكامت اتصرخ اتخاف تفقدني مثل اخويه تالي وره شهر شهرين حسيت اكو ناس تراقبني بس اني خفت بس غلست تالي يوم من الايام وتجيني سياره تشيلني ودتني بشقه ماعرف بيا منطقه لان كانو شادين اعيوني وشفت نفس الاشخاص الي قتلو ابو عمار عرضو عليه اشتغل وياهم لان كالو انته سبع وعجبتنه وبو عمار كان واحد من زلمهم بس خانهم هوه ولي وياه بعد ما باكو البستان لان كان البستان مالتهم حسب الي سمعته بعد كلام طويل قنعوني اشتغل وياهم وافقت بس المشكله امي لاتقبل انبيع وننتقل او تقبل اصرف عليهه وعلى البيت واختي ولا تقبل بفلس مني تكول رزقك حرام وتقاعد ابويه يكفيه شسوي بقيت مسايسه لان ماعدهه غيري واني اتمنه اعيشهم بغير مستوه بس هيه رافضه رهف بعد ما سديت الفون من امجد واني متعجبه بنفسي شنو الي خلاني اخابر شمعنه هوه بذات ليش استنجدت بي ضحكت على نفسي وعرفت نفسي اني احبه اي احبه وهو الي حاول يهديني ويجبر خاطري واعدني اني اله وماصير لغيره من اذكر كلامه ولهفته تزورني مشاعر غريبه وحلوه وي كول كلمه كالهه حبيت كلامه وجرئته وندفاعه ووعوده الي بس بقيت محتاره شراح يسوي نمت واني بعض الشي هدء روعي وجددالامل للعصر واني وعاليه بلمطبخ لان المطبخ يطل على على الكراج وعلى باب الشارع اندك الباب طلع اسماعيل ورجع بي كان مخبوص ومتفاجء عاليه رهف اشو اسماعيل وجهه مو طبيعي اسماعيل وهو يمشي سريع طبك باب المطبخ علينه وكال لاطلعون صوت اجانه خطار ركض على باب الستقبال فتحهه ورجع لباب الشارع فتحه ودخل الخطار عاليه تباوع من الشباك بخفيه تريد اتشوف شكو صاحت ولج رهف تعالي شوفي الناس الجايه رهف مديت راسي واشوف كومه ناس مشايخ معكلين وياهم اثنين معممين كانت هيبة الخطار فد شي بقينه وحده تباوع بوجه الثانيه لحضات وشفنه اسماعيل ديخابر على رضا وكله بلعجل تعال يردوك بلبيت اشويه وسد الفون وفتح الباب وكال سو شاي احنه انخبصنه لان اول مره يصير هيج خطار هلكد جاينه كملنه المي وشاي ودخل رضا وهو وجهه علامات الاستفهام مرسومه بي وتعجب راسا كال شكو ومنو ذول عاليه والله علمي علمك ماعرفهم عافنه وتجه للستقبال سلم عليهم وكلهم ردو السلام وصوت عالي وكحكحه وتحمحم مال ناس اكبار نسمع بس منميز شيكولون لحضات واجه اسماعيل اخذ الشاي وراح دخلت علينه زوجة اسماعيل وتماره والحجيه للمطبخ وهنه يسالن شكو ومنو ذول الحجيه كالت خاف يردون رضا بشغله عقار زوجة اسماعيل ياعمه بس العقار هذا يختلف جايبينه مشية معاكيل ومعممين شنو السالفه وره خمس دقائق ونسمع الحجي صار حاد والصوت عالي ورضا يصيح بس نسمع كلمه ما عدنه نسوان اني اهنا انخرط حيلي وعرفت ذولي دازهم امجد زاد خوفي وكلبي يرجف بقو حدود النص ساعه وطلعو بس شنو صايره هوسه والجو متوتر اني راسا خليت راسي بلكاع وتخبلت كلت راح ترجع عليه عواقبهه لحضات من بعد ما حركة السيارات ومشو ما اشوف اله رضا بصوته اليرعد وهو داخل علينه للمطبخ وساحبني من بين الموجودين من كتفي وكال تعالي كوليلي شنو البينج وبين هذا الي اسمه امجد رهف وشفه ترجف وتحجي من بين ادموعهه وهيه تكوله كلشي مبينه ماعرف شتقصد صاح عليه اسماعيل واجه وكف بيني وبين رضا وكال ياخي مو هيج افتهم بعدين اتصرف رضا ولك شفتهم ولك سالفتهه مو خاليه جايبلي مشيه ومشايخ من كل عشيره شيخ ومعممين ليش اله اذا هيه منطيته وعد الام يمه على كيفك لاينرفع ضغطل يمه بتفاهد زوجة اسماعيل يعني ذولي الجايين على كلهم على رهف يخطبوهه رضا بعصبيه اي يابه جايين على الاميره ديانه وتكول ماعرف ولج شوفي لاعبالج غشيم اني وما افتهم انتي لوما مسويتله واهس هوه يجي اله اربيج هد عليهه وراد يض*بهه ودخلت العائله كولهه بيناتهم ويتوسلون بي يهدء اخر شي كال والله لو تموتين ماتصيريله اله واني جوه الكاع اسماعيل اي دكافي انته مو كلت لهله لبن عمهه مخطوبه الشهر الجاي العرس بع ليش حارك دمك رهف بجيت وصحت ماريد ازوج لاهذا ولاهذا اريد بس ارجع لكليتي رضا ولج طالعلج ال**ن والله اله اكصه ياكليه الي بعد اتشوفينهه سحبني من شعري وملخني تملخ بقه خشمي يجري دم بقت العائله مخبوصه وخلصوني منه وعاليه تتوسل بيه اسكوت صعدتني لغرفتي وغفلت الباب عليه واني ابجي شيخلصني من تسلط رضا وجبروته لو من ضياء الي اتمنه العمه ولا اشوفه بقيت بلغرفه مهمومه شسوي ياربي وره المغرب وحسيت الباب انفتح دخل عليه علاء وكان شبه المتفاجء وعيونه بيهه مية سوال اتقربلي وهوه يشوف خشمي مرم وعيوني حمر وشفافي يابسه وكال شكو شبيج خليت راسي بين رجليه وشهكت وكتله مابيه شي اتقرب عليه وشال حنكي بطرف اصابعه وهو عيونه دور بوجهي ميت سوال كال منو لمسوي بيج هيج شهكت وكتله وكعت من الدرج لم شفته لداخل حلكه وكال درج هذا يادرج لاتكذبين علاوي حجالي كولشي رهف اجاني صوت على من وره علاء وكال الي متى تضمين على علاء انتي يوميه مكتوله ومتكولين علاء وهو فايره اعصابه احجي ليش ضاربيج قبل هل مره زاد بكائي وشهكاتي وسولفتله على كول الي صار هوه تخبل بس ماكتله على امجد شايفني لو شايفته كتله اجاني واحد يخطبني وتعارك وياي رضا علاء بعد ما اجيت للبيت جنت مشتاق لخواني كلت اليوم ارجع من وكت خلي اروح يم البنات لان اجي بليل الكاهم نايمين ما لحك اشوفهم اخذني علي على صفحه بعد ما دخلت البيت وشفت الجو متوتر والوجوه مو هيه فسولفي اني اهنا فقدت اعصابي حبيت اسال رهف وشفت حالهه ميسر لاعدو ولا حبيب وسولفتلي بس احس روحي طلعت وضجت وكرهت هدنيه لاقا**ه تخلصنه ولاقا**ه ترحمنه من سمعتهه راسان نزلت جوه ودخلت على رضا وعطت بوجه وكتله اشلون تمد ايدك على رهف هوه كان يشرب جكاير وكاعد يتف*ج على الشاشه وعاليه ترضع بطفلهه وحمودي ديلعب بلغرفه كان خال رجل على رجل ورد عليه بستكبار وكال ها اليوم من وكت جاي زلمت خواته علاء بنفعال وغضب كال اني زلمه وغصبا على الكول ابتسم رضا وكال مادام زلمه شوف اختك يزلمه شكاعد اتسوي من وراك علاء ولد وراد يخطب يعني شنو الي صار رضا وهو يكوم من مكانه وصاك اسنونه وغضب ونفعال من دفاع علاء لخته كال ولك يخطبهه مرتين ونكوله لبن عمهه وتالي رايح جايبلي مشيه محشم بيه وجوه العشائر وكبارهه كولهه وتكلي خطبه وماعدهه شي وياه علاء وهوه منفعل كال لاتذب الكلام على رهف وتريد اتسويهه ملامه لان انته حاقد عليهه لان ماتريد ضياء صاح ضياء من وره علاء وهو يتصنع يصير رجال كدام اخوانه وكال والله ا**ر خشمهه وزوجه كوه دايحه ام الشوا..... بعده ممكمل كلمته ولكمه على حلكه علاء وخله حلكه يجري دم وسنونه وكعت اثنين منهن اسماعيل ورضا اتخبلو وصارت هوسه ودنيه انكلبت دارو اثنينهم على علاء وموتو كتل رهف اني سمعت الصياح وتخبلت اجيت اركض لكيت اخويه بيناتهم يدكون عليه عاليه ملخت نفسهه وراح علي حشم الجوارين ولتمت علينه وشفت مشتاق ابن اجوارينه هذا صديق امجاي بس كان انسان شهم وحباب ويحب علاء ويتعاطف ويانه هوه وعائلته لان اني اعرف عائلته لان زوجة اخوه خياطه فحنه دائمن كنه انروح يمهم ويعرفون بينه وبمشاكل علاء ورضا ويدرون بعلاء يكره ضياء من شفته فزيت ورحت ركض عليه وكتله عفيه دخيل الله ودخيلك خلص علاء منهم حيموتونه دخل بيناتهم وهوه عيونه مشخصه عليهم وكله رضا مع كول اسف عليك شنو وليه مال غمان ليش هيج مسوي ببن عمك مو خطيه سحب علاء وطلعه وياه البيتهم وباوع الضياء الي وجهه صاير خلقه وصاح رضا شوف شوف شسوه بضياء الساقط ابو الشوارع رد عليه مشتاق وكله مو انته الي تض*به اتعارك ويه ضياء خلي ضياء ياخذ حقه امجد بلبيت اني وعقلي يض*ب اسداس بخماس اشلون ياربي اريد حلهه منك شدكول ربي سمعت التليفون دك شفته مشتاق راسا رديت عليه شكو الى اللقاء في موعد جديد انشاء الله استودعكم في امان الله وحفظه اختكم حواء حواء اعذروني على السحك احبكم موت

Free reading for new users

Scan code to download app

App Store Google Play

Facebookexpand_more