البارت الخامس

1863 Words

البارت الخامس للحياة ثمن الكاتبه حواء حواءالبغدادية.???? السلام عليكم احبتي واحب اكلكم مشتاقتلكم ومشتاقه التعليقاتكم وروحك الحلوه والمرحه علاء حياتي تعب بتعب بقهر وين ما اروح سوده ومصخمه عبالي اكعد عد بيت خالي ارتاح بس مع كول اسف ماكو راحه الضاهر المنحوس منحوس بدت مرت بن خالو تحجي وتزن براس زوجها زوجها واحد عربانه كام يضايقني ويسمعني حجي وكال صارلك شهر كاعد يمنه مابيها داعي روح لبن عمك وداعي بيتكم وبخوانك وكعد ابيتك انت صرت رجال شنو تبقى هيج اني الصراحه شفت كلامة بي صحه بس شسوي لاعاليه توافقني ولارهف بقيت محتار وماحبيت نفسي اصير ثقله عليهم وكلت جوز اني مضايق زوجته هم حقهم تريد اتبدل تاخذ راحتها خليت ورجعت للبيت مال بيت عمي استقبلني خواتي وهنه طايرات من الفرح يشبكن بيه ويبوسن وعلاوي جان حيل مشتاقلي واني هم حيل اشتاقيتلهم خذت وياي كومه حلويات وكرزات وملاعيب لحمودي ابن عاليه سالني كالن اشعجب رجعت كلتلهم اشتاقيتلكم وبعد ماكدرت ابعد اكثر طلبت من عالية تفرش لعلاوي اخويه يمي ونطتني مفتاح الاستقبال كالت من اتنام قفله عليك اني شفت هذا الصحيح ومرت الايام واني صرت اشتغل بلمعمل بس محد يدري بيه اني مبطل رهف من خله العلاكه بيدي اني بقيت متفاجئة ضليت فاكه حلكي ومااعرف شصرف وياه لان حقيقتاً اول مره امر بهيج ضرف اوموقف لان الموقف كان صعب بنسبه الي وكان المفروض ما اخذ منه العلاكه بس بساعته مثل الي يكول عبالك مسيره وهول الموقف سيطر على تفكيري خلاها بيدي وكال هذا الموبايل بي رقمي فقط ومنتضر منج مكالمه اني من كلي هيج انسطرت هو خله وراح التفت عليه وكال لاتصيرين فاهيه روحي اني عبالك ذب عليه دولكت مي بارد راسا انتبهت النفسي ودرت وجهي ومشيت سريع واني احس نفسي عبالك بايكه وناس تتشاور عليه دخلت للكليه واني الافكار تتلاطم براسي وحتى من الخوف ما فتحت العلاكه بقيت ضامتها خاف احد يشوفها رجعت للبيت ولاكتني زوجة عمو اسماعيل وجها ثكيل عليه وتماره الي خانسه بغرفتها حتى متطلع اما ضياء بودي اكفخه على حلكه لان مضوجني محسسني بان هو ولي امري وجاي يبيع رجوليته وشخصيته براسي واني اشون ما اشوفه هو مرة بهيئة رجل صعدت فوك واني الوم بنفسي اشلون خذت الموبايل منه شجاني وما رجعته هو اني عوزي ضيم حتى ادخل بقصة حبي وثانيا رضا لو شم خبر يمكن هذا اخر يوم اليه بلكليه قررت كلت بس اشوفه ارجعه اله ويوميه اخذه ويايه لحد ما اشوفه ونطيه اله امجد اني اعرف بيها هيه ماعدها هيج سوالف ومو جسره جبانه وخوافه بس شسوي خليتها كدام الامر والواقع ونطيتها الموبايل اشتريته وخليت بي سين كارت ورقمي فقط وترجيتها هيه تخابرني بس ماخابرت زين ما اكدر اخابر عليها لان ادري بيها تخاف وخفت اتصل ويحسون بيها وياذوها بقيت حاير وفكره تاخذني وفكره تجيبني اخر شي قررت كلت باجر اروح وراها للكليه بلكي الله وشوفه وفتهم منها رهف كعدت مسطوره سطر من ليله البارحه ماكدرت انام واني الليل كوله افكر بيه اشلون بيه شي بداخلي يفرح بقربه بس الضروف كولها ضدي كمت من افراشي دخلت للحمام سبحت ونشفت شعري وفرشة اسناني وطلعت من الحمام وبدلت لبست جينز كاحت لونه سمائي وياه بلوز طويل وفوكاه بليره كابوي مشطت شعري وتعطرت باوعت بلمرايه ابتسمت وطلعت واني ضامه الموبايل بجنطتي واني خايفه من الي راح يصير وقوي بنفسي كوه وصلت الكليه وخلصت تقريب المحاضرتين طلعت للكافتريا اني وبنيه اسمها فاطمه بنيه كولش حبابه كعدنه وطلبنه نسكافيه سمعته كال صباح الخير رهف رفعت راسي واني متلبكه مااعرف شكول بين الخجل والانحراج من صديقتي بقيت خاله راسي بلكاع امجد .وهو يوجه الكلام الصديقته ويكولها من رخصتج عندي كلام اريد احجي ويه رهف على انفراد فاطمه وهيه تكوم على حيلها وتاخذ كوبها وملزماتها بيدها وكالت ولو اخذ راحتك ادلل التفتت الصديقتها وكالت رهف اني موجوده يمج فد اشويه وجيج رهف وهيه تباوع ابوجه صديقتها بنضرت توسل اتكلها ابقي لكن صديقتها ماقبلت امجد راحت صديقتها سحبت الكرسي وكعدت اكبالها وشفتها مدنكه وضايعه بهدومها اني هذا الشي يخليني ويزيدني اصرار عليها اكثر واني اشوف الوجه صاير طماطه من الخجل كتلها ليش ماتصلتي بقيت اشكد منتضرج رهف تفرك بديها كالت اني مااكدر اتصل وراسا فتحت الجنطه وسحبت الفون بلعلاكه ونطيته اله وكتله اني اسفه ما اكدر اخذه امجد بعد ما سمع كلامها ضاج وروحه طلعت كال بس سؤال؟؟ رهف كول امجد وهو مركز بعيونها يباوع بتفاصيل وجها كال انتي مرتبطه بااحد رهف وعلامة الاستفهام بوجها وتكول يعني اشلون امجد يعني احد حاجي عليج رايدج رايدتلج احد رهف لاوالله بس اني ضروفي صعبه وخاف امجد جر نفس وكال يابنت الناس اني جايج وطالب ايدج على سنة الله ورسوله وجاي ابني حياة وياج وجاي اصيرلج سند انتي ليش مساعديني وتنطيني الثقة رهف اني ما اكدر انطيك الثقه لا الك ولا غيرك امجد ضحك وكال يعني رفضج اليه سببه لان متثقين بيه رهف دارت وجه للجانب وهيه تتهرب من سؤاله ونضراته امجد كام من مكانه بعد ما شاف الوقت اخذه ومراد يحرجها اكثر وكال اليوم اثبتلج اني نيتي سليمه ومجاي العب عليج وقاصد كول كلمة اكولها لان اني حبيتج وما اعتقد الي يحب ياذي حبيبه ودار وجه وطلع رهف بقيت بدوامه لا اكدر احجي ولا اكدر ارفضه من داخلي احس بوجوده ارتاح رغم ما داخلي مخبوص عاف الفون وراح واني بقيت افكر ياربي شراح يسوي رجعت للبيت بعد ما خلصت المحاضرات واني ما اعرف منين بدت ومنين انتهت كنت بدوامه وصلت البيت وتلكتني علياء كالت اكو مرة جايه عليج اليوم تخطبج رهف بتعجب كالت منو عالية كالت يسموهم بيت ابو سامر بلمنطقه مالتنه وابنهم اسمه امجد محامي هسه متخرج بجديد رهف هيه تحجي واني كلبي صار طبل كلت بداخلي معقوله امجد دز اهله في سبيل يثبتلي حسن نيته وبدون تردد ولا مقدمات كتلها اي وشكتولهم عالية وهيه كاعده اكبال اختها وتكول كنالها يومين ونردلكم جواب لان لازم انشوف راي رضا رهف اكول عالية انتي شدكولين وشنو رايج بيهم عالية وهيه تلعب بخصل شعرها وتلعب برجلها كالت والله يا اختي همه من ناحية خوش ناس فهم خوش ناس امورهم زينه ومبين عليهم اهل خير وفوك هذا كوله الولد محامي وجماله يخبل رهف متفاجئة ليش الولد جاي ويه امه عاليه لا مجاي بس راوتنه صورته بل موبايل رهف وفرحه لاول مره تغزي داخلها ومشاعر مولوده بلجديد اتجاه امجد الي طلع بحياتها الي كانت عباره عن كهف مضلم مابي حياة التفتت لاختها وكالت صدوك رضا يوافق عاليه ببتسامة وفرحة وهيه تتقرب لختها وكالت ها حبيبتي هامج الموضوع رهف بتلعثم لا بس حبيت اسال رهف بداخلي فرحة وخوف من الاتي بس جان الفرح شي ما اكدر اعبر عليه جنت طايره من الفرحة صعدت لغرفتي واني انضر للحياة نضره جديده بقيت لليل واني انتضر عالية تكول لرضا وشوف رد فعله او رايه بلموضوع بس كنت اكو خوفة بداخلي من موافقة رضا عالية كاعدين العائله ملتمه على ام رضا وهمه يشربون شاي اسماعيل وعائلته ورضا وضياء كالت الحجيه ام رضا اكول يوم اليوم اجت مره خطابه على رهف رضا وهو مستنكر منين ذولي وشجابهم عاليه وهيه تجمل الموضوع وتكول اي بلمنطقه وشايفيها وجوي عليها رضا ماعدنه مره للزواج رهف مرت ضياء ضياء وهو يباوع للكاعدين بنضرت نصر وكال اي صحيح رهف اني اريدها عاليه بس برهف ماتريد ضياء وتكول مثل اخويه رضا هاي شنو جديده مالت اخويه هذا كلام مابي نقاش زوجة اسماعيل وهيه بحياله ومكر كالت مادام رهف لضياء لعد ننطيهم تماره مادام خوش ناس وهاي فرصه متتعوض عاليه وهيه محروك كلبها بس متكدر تحجي تخاف من زوجها الي ميتفاهم بهيج موضوع ردت عليها وكالت ليش هو جاي على تماره همه رادو رهف رضا كال اي مابيها شي انكلهم رهف لبن عمها ننطيكم تماره ضياء وهو مكيف ونشد راسه بكلام اخوه كال اي صحيح ترى رهف مصير لغيري اني اوله بيها عاليه اسمعوها مني اليوم قبل باجر مو تكولون مكالت رهف متقبل تزوج ضياء رضا بعصبيه ومتوتر وعيونه حمر كال شنو شنو ليش بكيفها والله ا**ر ضهرها اتجه للدرج وصاح بصوت عالي رهفففففففف رهف اكوي بملابسي واسمع رضا يصيح بعصبيه اني اهنا روحي ساحت اني اخاف منه لان اعرفه ماعنده طريقة تفاهم عفت الاوتي وركضت واني اعرف شنو المعصبه وشنو الغاثه وكفت على الدرج واني جسمي يرجف بلعت ريكي وكتله ها صحت عليه رضا وهو عيونه مشخصه عليها كال بصوت عالي انزلي تعالي هنا رهف نزلت الدرج واني كلبي يرجف خوف وقلق وكتله اجيت وكفت اكباله وكتله رايد شي رضا وهو يرفع اصبعه لتحذير وكال شوفي انتي لضياء ومصيرين لغيره رهف راسا رفعت راسي وعيوني دمعت وكتله لا ضياء مثل اخويه رضا وهو يصرخ بوجها اخوج شنو لا مو اخوج زواجج منه هذا الشهر وديري بالج عقلج يوديج لغير ناس ترى تندمين مفهوم رهف وهيه تجمع قواها وخبصت الخوف تسيطر على صوتها وكالت هيه كوه ماريده رهف اني حجيت الحجايه وما احس بنفسي اله واني انض*بت راشدي لزكني بلكاع وكمت اصرخ ولزمني من كتفي وسحبني وراشديات ما اعرف منين تجيني وكال بصوت هز بي اركان البيت شوفي اكولج ولخلقج بعد تحلمين تشوفين الكليه ادبسز تعلين صوتج بوجهي وتمشين اراتج اموتج التمو عليه اسماعيل وعاليه لي موتت روحه من البجي ومتكدر تتقرب منه لان حيل تخاف منه بقت تتوسل بلموجودين يخلصوني منه وهذا ضياء الكلب يكوله اي عفيه ادبها وطيح حضها لان متسمع كلام بس اني من سمعت كال بعد متروح للكليه زحفت على رجله وبستها وكتله الله عليك رضا فدوه كولشي ولاتحرمني من لكليه التفت عليه واني دموعي تجري وصايره خلقه كال بتجبر وجبروت شغلة لكليه يم ضياء اني اهنا تخبلت وكتله شنو ضياء ولي امري رد عليه بتعالي وكال اي لان الشهر الجاي خطبه ومهر اني اهنا انجنيت بقيت املخ بنفسي صعدوني فوك زوجة اسماعيل وعاليه وهنه يتوسلن بيه اسكت لان كلما ازيد بلكلام انض*ب اكثر بقيت لاتعشيت ولاهنالي بال دخل عليه اخويه علاوي وشبكني وبجه وكال بس يجي علاء اكوله اني اتوسلته وكتله لاعفيه دير بالك تكوله علي ليش متكولين شوفي اشون ض*بج رهف ماريد علاء يدري بس يدري يروح يتعارك وياه وتصير الامور اسوء وعلاء يطلع من البيت كانت حالت رهف كولش صعبه بين الدموع والالم و**ران خاطر وبين المستقبل المهدد انجطلت على السرير ودموعي تجري بدون توقف علاوي من شافه بهل منضر ضاج وطلع وهو حاقد على رضا وعلى الدنيا الي سوت بيهم هيج امجد من بعد ماسمعت رهف وحسيت بيها ماعدها ثقه بيه وخايفه توعد بشي واما يصير حبيت اثبتلها بان اني دافعي الها الحب مو نزوه عابره رجعت للبيت ودزيت امي على بيت عمها بعد الحاح وتوسل مني الى ان قبلت وفعلن راحت امي وستقبلوها وفتحو الموضوع وكان بوجود الحجيه ام رضا واختها عاليه فعاليه اخذت رقم امي وكالتلها اذا اكو نصيب اخابركم وفعلا خابرت لكن مع كول اسف كان الرد الرفض وكالو اذا تردون عدها بنت عم اذا تردون ينطوها لان رهف ابن عمها رايدها بوقتها من كالتلي امي انجنيت اني موديج على رهف بنت عمها شنو بقت امي تتوسل بيه وان الحياة قسمه ونصيب بس اني قفلت اله رهف بس بنفس الوقت اتخبلت زين من حاجيتها ليش مكلتلي ابن عمي رايدني اني سمعت الموضوع من صديقي مشتاق بس ما سمعته منها بقيت بغرفتي روحي طالعه وبس الجكاره مواسيتني الساعه ١٢ ونص بليل دك عليه الموبايل رفعته وسمعته شهكات بلموبايل اهنا رجف صوتي ونزل حيلي واني اكول رهف رهف بصوت تعبان امجد حيزوجوني غصبا عليه ومنعوني من الكليه امجد وهو يرد عليها وممصدك يسمع صوتها وكال حبيبتي لاتخافين يعمري يسنيني المضت والجايه ماريد اسمع شهكت حزن منج وماريد دمعه تنزل حبي رهف وهيه من بين ادموعها شاسوي كولي اني لاحوله ولاقوه امجد غاليتي اصبري عليه وباجر اني اصرف بس لاتخافين يروحي والله لحارب عليج لو اعرف ابيع الدنيا انتي الي ومصيرين لغيري رهف اني خايفه تخافين انعل ابو الخوف الي يقتحم كلبج وياذي انتي الي ومصيرين لغيري وامني بيه وباجر راح اشوفين شاسوي وتكولين مكال الى اللقاء في موعد جديد انشاء الله تقبلو تحياتي انا اختكم الكاتبه حواء اعذروني على التاخير وعلى السحك لان البارت غير مدقق استودعكم في رعاية الله وحفظه لاتنسوني بدعمكم بلتصويت والايكات

Free reading for new users

Scan code to download app

App Store Google Play

Facebookexpand_more