البارت الرابع

1531 Words

البارت الرابع للحياة ثمن أنطيني ورقة وقلم خل اكتب أحزاني مريت اني ب*رف مامر علــه ثاني اتفرهدت واني طفل ونباكت احلامي واجمل سنين العمر ذ*حوها كدامي انطيني ورقة وقلم حلم البنيته ان*دم وأيامي راحت عدم شيرجع ايامي السلام عليكم احبتي يسعدني ويشرفني ان التقي بكم مجددا اختكم الكاتبه حواء البغداديه. ???? علاء صرت حيل مقيد لااكدر اطلع بلكراج لااكدر ابقى بلاستقبال بوحدي حيل اجنبها لان حيل جريئه واحسها خطرة تثيرني وتثير شهوتي كشاب خوفي من الحوليه كان هو سبب ترويض نفسي يمكن دورات تمر عليه لحظات اتمنى اختلي بيها لكن خوفي من ابوها ورضا والعائلة كولها موجودة والشيء الثاني اني ما احبها ولا اتمنى ارتبط بيها لكن احسها تغويني وتسير روحي للرذ*لة وخطأ قررت اروح لبيت خالو استقر يمهم اني ادري بنفسي ما ارتاح يم بيت خالو لكن ماكو غير هذا الحل فكلت لازم اكول لعالية وفهمها لان ماريد افاجأها بطلعتي من البيت وهماتين اكول لرهف بان اني راحتي يم خالي وهمه متاكدين مني كول التاكيد اني لامرتاح اهناه ولابيت خالي طلعت من الغرفة وصحت على عالية بعد ماشفتها جوة بلمطبخ ردت اختلي بيها وافهمها عالية وهيه تطلع من المطبخ وخاولي بيدها تنشف بيه رفعت راسه وصاحت ها علاء رايد شي علاء عالية اذا ماعندج شي تعالي اشويه اريد احجي وياج كان لازم المحجر ويحجي وياها من فوك وهيه جوه عالية بستغراب وهيه تباوع لخوها من بداية الدرج وهو بطابق الثاني يهمس الها تعالي بسرعة ردت عليه وهيه كاتلها الفضول ليش علاء ديصيح عليها كالت جايه بس انصي نار الطباخ وجايه علاء دخلت لغرفة رهف وطلعت جنطه وجمعت ملابسي وغراضي وخصوصياتي باثناء ما اجمع ملابسي دخلت عالية وهيه متفاجئة لان شافت الجنطه فكت عينها وكالت علاء شدسوي علاء وهو يلتفت ويكوم على حيله ويسحب الملابس المعلكه بتعلاكه الي بلحايط وكال مثل مدشوفين دالم ملابسي ورايح البيت خالي عاليه وهيه متفاجئة وحايرة بقرارة المفاجئ كالت ليش شصاير علاء مو.......راسا الباب انفتح دخلت رهف جاية من الكلية وكانت عيونها مبين عليها الدهشه رهف وهيه متفاجئة اشوف الجنطة بلكاع وعالية ضايجه بهت لونها وكالت شكو صاير هاي الجنطة مال شنو كانت تحجي وتاشر على الجنطة الي بلكاع عالية تعالي شوفي علاء يريد يعوفنه ويكعد يم بيت خالو ومااعرف شنو سبب قرارة هذا رهف وهيه تشمر ملازمها على الطبلة وتصير كدام علاء وتلزمه من كتفه ودير وجه وكالت علاء شنو هذا الحجي كول شنو صاير شي علاء يهز راسه وكال احسن اني هناك ارتاح بيت خالو اكثر على الاقل بيتهم فارغ ماعدهم شي بس ابنهم وزوجته رهف وعيونها مغرغره دمع لاعفيه لاتعوفنه تدري بينه والله منكدر على فراكك انت اشون راح تكدر تفاركنه وثانيا انت متخذ قرار حتى قبل لاتكول لازم اكو سبب انت تعرف كولش زين هذا القرار مو بكيفك تاخذه مهما يكون اني وعلاوي وعاليه شون نهون عليك تبعد عنه علاء لا اذا اروح احسن اليه والكم لان جاي اشوف الوضع اهنا لامن مصلحتي ولا من مصلحتكم عاليه شنو انت تحجي الغاز ويانه كول فهمنه احجي اريد افتهم وخليها بالك طلعتك هذي بيها سبب قوي لان انت متعوفنه بسهوله او على شي بسيط احجي كول شنو الي مضايقك رهف لاعاليه اني ملاحظه هذي الفترة علاء بعيونه حجي بس ما اعرف اشلون ديحجي او يكوله علاء جر حسره وكعد على السرير وخله راسه بين اديه وكال راح احجي بس جنس ادم ميدري بلي راح اكوله لان اذا طلع هذا الحجي صير موزينه عالية بخوف وهيه تباوع بوجه رهف ونزلن اعيونهن عليه يترقبن بقلق شيريد يكول وشنو يقصد من كلامه رهف بقلق عفيه احجي كول شتقصد اي احجي علاء وهو يذب حسرة وخجلان من خواته كال تماره بنت اسماعيل ضوجتني وجاي تغويني عالية وهيه تدك على ص*رها بكف ايدها وتكول شتحجي انت يعني اشلون تغويك احجي صايرر علاء عاليه لحد يسمعج صوتج منا الناس كان يحجي وياشر للباب وهو حاير اشون يفهمهن رهف بدء علاء يحجينه عليها وشون تغوية وتجي للاستقبال بليل وبكول صلافه وماخايفه ولاخجلانه اني بقيت فاكه حلكي ومتعجبه على الجرئه الي هيه بيها معقولة اكو بنات توصل وياهن لهل مواصيل لعد امها وين ابوها اشون كدرت تخطي خطوة بغرفة شاب اعزب نايم بيها بوحدة حسيت علاء خايف وخجلان اكثر من ماهيه تخجل او تخاف كمل كلامه علاء بعد ما قنعنه وطلع من البيت بس بوقتها بجيت وبقيت مهمومه بس شنسوي هذا الله وهذا حكمته الضاهر نبقى مقيدين طول عمرنه ونبقى نعيش تحت رحمة الناس ونبقى تتلاطم بينه الدنيا ويعالم الله بعد منو اليروح من يمنه وشنو الزمن ضاملنه بقيت مهمومه وضايجة واني اشوف عاليه حايرة وعلاوي الي من سمع علاء راح يعيش بيت خالو احسه لالت دمعته بعينه لان علاوي روحه من الدنيا علاء اجيت ابدل فتحت قميصي شفت رقم تليفون اذكرت اليوم من من اجه امجد وراي للكلية ومن سحب الكرسي ويباوع بوجهي كال وتالي وياج ليش تتهربين مني اكدر اعرف ؟ رهف وهيه ترجف وخاله راسها بلكاع خجلانه منه ومن كلامة ومن قربه الها لان اول مرة تتعرض لهيج موقف كال احجيها الج من الاخر وهو يباوعلها بترقب رهف اني احبج شتكولين شنو رايج اترجاج احجي وبصراحة رهف حسيت السكف وكع على راسي من هول الموقف عركت ومااعرف شون اجاوبه بعد ما لاحضته باقي يباوع بوجهي ومنتضر مني جواب خجلت من نضراته الي جاي يضيعني بيها وهيه خوف ورتباك وخجل بقيت راسي ماشلته وكتله رهف بخجل وهيه تفرك بديها كالت اني اني مااكدر اوعدك بشي امجد اني ماريد رد منج بس احجيها الج من الاخير اني ما ايس وابقى منتضرج وبنفس الوقت الج مجال فكري ونطي فرصه لنفسج بان شوفين روحج متقبلتني لو لا واتمنى تستقبلين حبي الج واحب اكولج والله حبي الج صادق وما اكذب عليج بمشاعري راح احبج وصونج وخليج بعيوني والله شاهد عليه احسج صرتي تهميني وماكذب عليج اذا اكلج صرتي بت روحي رهف من حجه حجايته هذي حسيته كهربني بيها كلام ما انكر زلزل شي بداخلي وخلاني حطام مااعرف صار بيه ضعت بهدومي وبنفس الوقت شي بداخلي نبض كتله والله حياتي معقده ومو بكيفي واني مو حره امجد وهو يشجع من بدت تحجي كال كول صعوبه اني اتحداها بس كولي اريدك وعهد عليه ماعوفج لا اخر يوم بعمري رهف باوعت بعينه هو بتسم من شافني شلت عيني مد ايده سحب ايدي وطلع قلم وفتح جف ايدي حسيت روحي صارت نار يمكن راح يغمه عليه سجل رقم فونه وكال هذا رقمي بس خابريني واتمنى ما تخيبين ضني شفته ابتسم بوجهي وذبله حسرة سحبت ايدي منه وبقيت مصنمه ما اعرف احجي او شكول او شعبر قمزلي حركة بخشمه ودار وجه وطلع بقيت حايرة منا امجد ومنا علاء ذبيت حسره وسجلت الرقم بنهاية كتابي وغسلة ايدي وتن*دت سديت الكتاب ومن خوفي ما ردت افكر اكثر امجد بعد ما فكرت اشلون اشوفها اني مخلص ٤ سنوات بلكلية المستنصريه فااعرف الامنيه بلباب رحت سلمت عليهم وكتلهم عندي شغله يم العماده وسمحولي بدخول كعدت وياها وحجيت اوياها بس صار عندي امل لان شفت بعيونها قبول بس وراه خوف اجدد الامل عندي علاء رحت الخالو وكتله ضايج اجيت اكعد فترة عندك خالو فقير ومرة فقيره بس عنده زوجة ابنه كولش لايمه ومكروها وضوج احد يجيهم بس شسوي ماعندي غير حل كمت اطلع من الصبح ارجع بليل اريد ايام تعدي حيل ضجت بس مابيدي حل اخر شي صرت احتاج افلوس ماعندي رحت على صديقي وكتله خلي يكول لابوه يشوفلي شغله الولد ماقصر خذني وراح لابو المعمل وشرحله حالتي وكله يتيم واموره موزينه كال الشغل مو زين بلشته بس هاي لان ضرفك صعب وفعلا اتعاطف وياي وشتغلت عنده تركت المدرسة بدون محد يدري وذبيت نفسي على الشغل وخذتني الايام اكو ولد اسمه عبد الله يدلعونه عبود هذا عبود كان م***ف اشويه يحب سهر والكيف بس هو يصرف صرف مو طبيعي فديوم اني سهران ويه جماعتي اجينه نمشي وشفنه لمه مال ولد يض*بون بعبود اني جنت ماعندي علاقه بي بس من شفته وليه عليه ضجت خذتني الغيره صاحو عليه جماعتي معليك بي اني راسا نزعت قمصلتي وشمرتها على اصدقائي وجيتت وياه وخلصته منهم ولكيته مدججيه خذته وصلته لبيت اهله طلعت امه واخته يصرخن اني وصلته للباب ورجعت تمارة بيت اسماعيل عدهم خاله بدنمارك ف*جعو للعراق وشايفين تمارة ورايديها لابنهم اني مادري بلموضوع زوجة اسماعيل عدها علم مرتبة بنتها بس محجت اخر شي بيومها طلعت اغسل الكراج وشفت عائله دخلة علينه شفت مره كبيره لابسه جبه ورجال كبير وياهم ولد شاب كان وسيم ومرتب دخل وياهم عمو اسماعيل ودخلهم جوه بس الولد بقى يباوع عليه اني درت وجهي وبقيت انشف بلكراج الولد شاف تمارة وطلعو بليل وكبت العيطه بيت اسماعيل وتماره تبجي نزلت اركض على الدرج واني متفاجئة ما اعرف شكو شصار دخلت عليهم للغرفة لكيت عمو صاير عصبي وتماره تبجي وزوجة عمو من شاف*ني من كلت شكو نتغت بوجهي اني تفاجئة وهيه تكولي خيريش اليجي من وراج ردتها عاليه وكلتلها وشنو رهف شعليها زوجة عمي رادت تحجي وعمي صاح بيها سدي الموضوع وبعد ماريد اسمع شي بقينه اني وعاليه وحده تباوع بوجه الثانيه عمو طلع من الغرفه وركع الباب حيل بعصبيه عاليه اكول ام تماره احس الموضوع بي شي ويخص رهف ليش تنتغين عليها ام تماره وهيه خجلانه من موقفها وتكول لا رهف مالها ذنب عالية فكت حلكها وكالت يعني رهف بلموضوع تمارة وهيه تبجي ومنهارة اي ميريدني يريد رهف رهف فكيت حلكي وفشلت شفت هاي منهاره تبجي احتاريت شكوللها خليت وصعدت فوك وبقيت حايره وضجت مادري ليش راسا اذكرت امجد وحسيت عندي انجذاب اله وتمنى اشوفه بس استحي منه فتحت الكتاب وسديته مرت ايام اشوفه من بعيد بس لاتقربله ولاباوعله فليوم طلعت كنت مستعجله صعدت بلخط ونزلت من الخط مستعجله ماحسيت اله صار كدامي راسا سحب ايدي وخله بيدي علاكه الى اللقاء احبتي استودعكم في لله وحفظة اختكم الكاتبة حواء حواء البغداديه مع تحياتي وراح اشتاق الكم لاتنسون تعليقات والايكات اختكم حواء وعذروني على السحك فديتكم

Free reading for new users

Scan code to download app

App Store Google Play

Facebookexpand_more