البارت الاول

1554 Words

البارت الاول للحياة ثمن الكاتبه حواء حواء البغدادية السلام عليكم احبتي ومتابعيني في كول مكان اسعدني لقائكم من جديد وهاانا اعود اليكم بقصه وابطال جدد واتمنى ان تنال اعجابكم ?????? رهف اعرف عن نفسي اني رهف المواليد ٩٤ من سكنت البنوك مواصفاتي الوزن ٦٨ الطول ١٦٥ لون الشعر اشقر ولادي عيون ازرق عائلتي تتكون من اختي الكبيره عالية واخ ازغر مني اسمه علاء مواليد٩٦ واخ اخر العنقود الي اسمه علي مواليد٢٠٠٠ الاب توفه بعد ماكان رايح للدوام على ايد عصابه سلبته واخذت سيارته وقتلته والام عندها عجز بلقلب بعد ما شافت الاب مقتول ما تحملت الصدمه وماتت بعد سنه من وفاة الاب اختي الكبيره عالية مزوجه ابن عمي رضا من كان ابويه وامي عايشين كنت بثالث متوسط وتوفت ماما وخواني علاء كان سادس ابتدائي وعلي كان بثاني بتدائي بعد وفاتهم ابن عمي رضا الي هو مزوج اختي عالية رفض نبقى بيتنا وحدنه لان كال بعدهم ازغار وميصير نعوفهم وحدهم قنع عالية وخذونه وياهم عشنه بيت عمي ابو رضا وبيتنا تاجر وكان المسؤول علينه رضا وتقاعد ابويه هو الي يستلمه لان كانت الوكالة لاختي الجبيره بس اختي شخصيتها ضعيفه وهو كان مسيطر عليها احنه كنه ضايجين من هذا الوضع بس شنسوي لا بليد حيله تحولنه بيت عمي الي كان بحي اور ومن هنا وتبدي قصتي حي اور الساعة سبعة الصبح رهف دك المنبه الساعة سبعة الصبح فزيت من النوم واني متكاسله من دفو البطانية وجاذبيت الفراش الدافي بقيت خمس دقائق ونهضت من الفراش وتجهت للحمام فرشت اسناني وغسلة وجهي باوعت بلمراية رتبت شعري القصير وتجهت للكنتور احضر نفسي لبست تنوره نيلي اكلوش قصيره وقميص ابيض وستره كابوي لونها ثلجي ولفاف على الركبه وترانشوز ابيض طلعت من الغرفة واني خاله كتبي على ص*ري وجنطه ازغيره بيها مصرفي الف دينار وقرطاسية نزلت من الدرج صارت مقابيلي زوجة عمي ام رضا مرة كبيره وعميه متوسطه الصالة وكاعده كتلها رهف صباح الخير عمه ام رضا صباح النور رهوفه ها رايحه للمدرسه رهف اي عمه حروح هسه تمشيت للمطبخ اشرب مي قبل لا اطلع احب المي اصبوح وي دخلتي للباب شفت ضياء ابن عمي هذا اخر العنقود عشتو هذا انسان نسيواني وكول حظ مابيه باوع عليه وبصني بص وكال لو لابسه تنور اكصر من هذي رهف بعصبيه ونفعال وانت شعليك ولي امري ضياء اي ولي امرج اذا مو اليوم باجر رهف وهيه تتخصر وتحاجيه بلله لاتصير زلمه براسي ضياء زلمه وغصبا عليج رهف هزيت ايدي وبرطمت وكتله اتصير زلمه من تبطل اتخلي خبطات لوجهك ضياء وهو اخر نقطة صبر عنده راسا ملخها من شعرها رهف وهيه تعيط من الصبوح وماحست اله ضياء انجر ونركع بل بلكاع وشبع طن بو**يات رهف رفعت راسي واشوف اخويه علاء وهو يض*ب بي وصاير نار واني افاكك بيهم وخاف لايسمع رضا ويعاقبني لو يعاقب علاء فجأة وسمع صوت رضا هز البيت هز علاءءءءءءء علاء وهو يلهث ويكول اله اطيح حضه لو مر بعرضت رهف رضا وهو متنرفز من كلمة علاء جابه راشدي وثاني وبقى مجلب بعلاء يض*ب بي علاء ثالث متوسط مو جبير وهذا زوج عاليه عمره ٣٨ سنه كبير وخشن طوله مطول الباب وزنه ١٠٠ كيلو يعني علاء ميكايشه انقهرت على اخويه وشبعت بجي اجت عاليه تركض خلصته من ايد زوجها وهيه تعاتبه وتكوله على بختك ليش تض*به رضا بصوت خشن يهز الكاع كال والله اذا تكررت اموته كتل اشلون يمد ايده على ضياء عاليه وهيه تبجي ومنفعله ضياء لعال برهف يقطع كلامها رضا ويكول ابن عمها ويطيح حضها وغصبا عليها تسمع كلامه عاليه وهيه تهدي بلوضع وخايفه من حقد علاء وعصبيه زوجها وستغلال ضياء سحبت علاء وكومته وكان علاء بوقتها مقهور ومنفعل دخل للحمام غسل وطلع ناوي يروح للمدرسه رهف من شفت علاء يريد يطلع يروح للمدرسه على السريع خذت كتبي ورتبت نفسي واني امشي وراه صحت عليه علاء علاء وهو يلتفت ويشوف اخته تلهث من لسرعة اتأنه بخطواته وكال ها محتاجه شي رهف علاء حبيبي لاتضوج اني اسفه علاء وعلى ويش الاسف ليش انتي شنو ذنبج رهف مو اني كنت السبب علاء لا موانتي السبب ضياء السبب وهذا زوج اختج الصاير زلمه يجي يوم وندمهم كلهم رهف فده علاء لاتحجي هيج والله اخاف عليك علاء وهو يهز راسه وكال الله كريم يصير خير هو راح على مدرسته واني طلعت كبل على مدرستي امشي وبالي مشغول بكلام علاء وقساوة رضا كان اكو بيت كولش ضخم بناء حديث هذا البيت يوميه من امر من المدرسه اشوفه اليوم شفت سياره حديث عاليه يغسلون بيها كان الجو بارد وتقريبا الساعه سبعه ونص بيني وبين نفسي اكول هذا من يا مخبل يغسل السياره بهيج وقت قبلها بيوم كانت الدنيا ماطره والارصفه بيه طين وشوارع لايصه بين تفكيري ماحسيت اله مي ينرش عليه بصونده والجو بارد والمي ثلج شلت راسي واني اناشق من برودة المي وشوف طفل عمره بلخمس سنوات لازم الصونده ويرش عليه ومن كد سرعه المي نفط عليه طين الشارع اني من شفت هيج اتخبلت وعطت بي لا ياطايح الحظ ياناقص التربية اعمه عمه العماك جنت بوقتها ضايجه من الي صار بلبيت وهذا اجه كمل عليه بقيت متسمره بمكاني من عطت بطفل الطفل راسا ذب الصونده ودخل راسا سمعت صوت اجاني وهو يكول وعمه العماج طايحة الحظ من طلع وشفته كان بطن السيارة ماكنت منتبهتله اركز بي واني روحي فايره وشوفه طويل لابس تشيرت نص ردن بعز البرد وعضلاته عبالك لاعب حديد ص*ره العريض وشعره المهوس بشرته كان حنطي اني اتلعثمت وكمت مااعرف احجي وكتله واني حاصرتني البجيه ودمعه بطرف عيني كتله شوف شسوه بيه هوه جان عاكد حاجبه وجه جدي بعض الشي من شافني مبرطمه فتح عكدت حاجبه وكال هوه زغير قابل متقصدج باثناء ما نتناقش مدت مره راسها من الباب كانت خمسينيه او منتصف الاربعين وكالت امجد يوم شكو امجد يوم ماكوشي الام ركزت بيه وشافت رجليه كولها نفاط طين وتنورتي مبلله صاحت عليه تعالي خاله من سوده عليه هاي هيج مسوي بيج اموري عزه العزاه رهف خاله دمرني واني رايحه للمدرسه واني انكت بتنورتي لا اكدر ارجع للبيت ولا اكدر اروح لحت عليه الام ودخلتني للكراج وسحبت الصونده ونطتنياها حتى اغسل رجليه وعالج اشويه من وضعي خذت الصونده من الام غيرتلي المي لان كان بارد غيرتلياه دافي وغسلت رجليه واني مندمجه ورافعه التنور جابت منشفه وتنشف بتنورتي واني مندمجه ولمن شلت راسي وشوف ولد يباوعولي من شباك المطبخ والهول الي يطل على الكراج وهذا الي رزلني واكف على صفحه وباقي صافن واني اشوف رجليه صكن من البرد اني من شفتهم هيج راسا ارتبكت ذبيت الصونده وكتلها خاله ماكو داعي مشي اني رايحه خذت كتبي ونسيت الجنطه من ارتباكي ورحت للمدرسه .❤❤❤❤❤❤❤ بيت امجد امجد الابن التسلسل الثالث عنده الاخ الاكبر منه ضابط بلجيش العراقي والثاني مويد كلية طب قسم اسنان وامجد اخر سنه اله يتخرج محامي اما التوام الضريف بشار وعمار ذولي الثالث متوسط الاب صاحب اكبر معارض سيارات بغداد ودائما مشاكل ويه زوجته لان يكثر افلوس بس ميدري بلعائله وين ما وين صاحب كيف ومزاج عالي يعني النهار بلمعارض وبلليل بلملاهي دائما خلاف ويه زوجته على هذي الاسباب امجد طلعت اغسل السياره بعد ما كان ليلة البارحه مطره واريد اروح بيها للدوام كلت خلي اغسلها قبل ماروح طلت اغسل بيها وبتايرات لان صاير بيهن طين ذبيت الصوند على الرصيف ودخلت امسح بطن السياره ما ادري باموري ابن سامر اخويه لازم الصونده وراش على بنيه كانت مستطرقه بس كانت ايه من الجمال سمعتها وهيه تحجي عليه بصياح اني اتخبل على اموري وما احب احد يحجي عليه رفعت راسي اريد اشوف من هذي الي اصيح عليه وشوف ابنيه تسطر شعرها عبالك ذهب ولادي وعيون ملون السمه ولوجه بياض ناصع لوحة فنيه كنت ناوي ارزلها بس من شفت الي شفته خجلت والاكثر من هذا من شفتها مدمعه وعيونها كولها دمع اتحسفت اصياحي عليها واني اشوف مفيضها مي وعبالك ارنوبه مبلله دخلتها امي للكراج واني اشوف تغسل برجليها وهنه ملون الثلج لكن من البروده صارن حمر شفت اخواني يباوعون عليها من الشباك حيل ضجت وما اعرف شنو البيه حسيت بغيره عليها وماتمنيت يشوفون الي شفته بس مع كول اسف شافو سالتها امي وكالتلها انتي بنت منو وين بيتكم جاوبتها وكالت احنه بيت ابو رضا لان رضا ابن عمي جاوبتها امي كالتلها انتم بسلا اولاد المرحوم عمهم رهف اي خاله احنه الام ياخاله سوده عليه اي شي تحتاجين اني بلخدمة راحت بعد ما ثارت شفقة امي عليها وبقت امي تتاسف ومتعجبه بجمالها دخلنه للبيت وكال بشار هذي اعرفها امجد وهوه مضيق اعيونه اي بشار هذي اخت ابو حمره امجد منو هذا ابو حمره بشار بلمدرسة ويانه من جمال البي وبشرته الحمره كولها اتسمي ابو حمره الام يمه يصيرون اكبال صديقك مشتاق امجد مشتاق صبيح الام اي يوم الباب بلباب وهذي اني اعرف مرت عمها حبابه نزل مؤيد وهو يعدل بياخته وكال يابه هاي مو مره يمكن واكعه من الجنه لو تسالون على امها يمكن تطلع من صنف الحوريات امجد حيل انغثيت من احجايته سبحان الله صار شي عجيب داخلي لهل بنيه احسها تهمني ولا احب احد يحجي بيها بقيت النهار كوله متروح من بالي بت الاوادم ضاهرة محاسنها كولها اتمنيتها عندي ما اخلي واحد يشوفها رهف وصلت للمدرسة واني جسمي احسه بدء ديصخن وبيه ابروده بس شسوي كملت الدرس وتذكرت محفضتي خذت قلم من صديقتي ساره وسالتني شعجب مجايبه فسولفتلها السالفه كولها بلتفصيل لان هذي صديقتي مقربه الي كولشي تعرف عن حياتي وكانت تعرفهم لا بصفتها بنت المنطقة مو مثلي صارلي ٣ سنوات من اجيت سارة كالت عزه العزاج ولج ذولي بيت ابو سامر شدخلج عليهم بيتهم كوله شباب رهف هواني شمدريني شباب شياب شمعرفني ساره اني اعرفهم كولش زين حتى يكولون ابوهم صاحب كيف يسمونه ابو الملاهي امجد ثاني يوم بقيت انتضر بلباب ماجتي وثالث يوم هم ماكو رابع يوم رحت من وقت وكفت قريب على المدرسة وشوفها من بعيد اجت تتمشى هيه وصديقتها الى اللقاء احبتي وموعد جديد يجمعنا باحداث جديده ومشوقه مع للحياة ثمن تقبلو تحياتي انا الكاتبه اختكم حواء البغدادية لاتنسون الايكات والتعليقات فديتكم نجاح القصه يعتمد عليكم

Free reading for new users

Scan code to download app

App Store Google Play

Facebookexpand_more