"Dean Lopez, this is Leah's first day in this school," may kariinang pahayag ni Judge Franco na bumasag sa katahimikan. "Tapos ito na agad ang nangyari?"
Hindi nakaligtas sa'kin ang pagpiksi ni Miss Roja dahil sa tono ni Judge Franco. Mas lalo itong naging aligaga sa kinauupuan. Palagay ko ay pinagsisihan na nito kung bakit nandito ito ngayon.
Mapagpaumanhing nagyuko ng ulo si Dean Lopez sa ilalim ng maawtoridad na tingin ni Judge Franco.
"Leah, tell me what really happened," baling sa'kin ni Judge Franco. Sa pagkakataong ito ay mas mahinahon at malumanay ang tonong ginamit niya.
Napilitan akong tumingin kay Judge Franco at saglit akong nakipagtagisan ng tingin sa kanya. Hindi ko nagustuhan ang tila pahiwatig nang pagkampi niya sa'kin. Mas gusto kong mangyari ay iyong magalit siya dahi
