Pagkarating namin sa disciplinary office ay mukhang inaasahan na ng Dean of Student Affairs ang pagdating namin.
Tensiyunado itong sumalubong sa'min at nagpalitan muna sila ng tingin ni Prof. Fernandez bago bumaling sa'kin at pinaupo ako.
Binigyan ako nito ng isang napipilitang ngiti bago binalik ang atensiyon kay Prof. Fernandez. Pagkaupo ko ay pasimple kong sinuyod ng tingin ang kabuuan ng silid. Hinayaan ko ang dalawa na mag-usap matapos hilahin ng dean si Prof. Fernandez palayo sa'kin nang ilang hakbang.
Wala akong ideya kung ano ang mangyayari sa'kin pagkatapos nito, mas iniisip ko pa kung ano ang magiging reaksiyon ni Judge Franco. Gusto ko sanang kaharap niya ako kapag nakarating sa kanya itong kinasangkutan kong gulo, gusto kong makita ang ekspresyon niya. Mas maganda kong maap
