"Hindi pa ako pinagpapawisan simula kagabi. Marunong ka bang magluto? Iyong may sabaw?" tanong ni Brandon.
Ang sabi ko ay aalis na ako pero heto siya at nag-request pa talaga. Hindi ako kumportable sa nalaman ko. Pakiramdam ko kasi ay ako iyong pinagpawisan dahil sa sinabi niya. Biglang uminit ang paligid. Sobrang init.
Ramdam ko rin ang pangangamatis ng mukha ko. Mabuti nga kahit papaano ay against sa akin ang ilaw mula sa labas kaya hindi ako ganoon nakikita ni Brandon. Siya itong mas nakikita ko ang reaksyon.
Puno ng paghihirap ang mukha niya. Malaki at maiitim din ang eyebags niya. Magulo ang buhok at literal na kagigising lang ang anyo. Wala siyang pang-itaas na damit kaya hindi ko na tinangka ang tumingin sa dibdib niya.
Sa ilalim din ng kumot na nagtatabon sa pang-ibabang parte
