BRANDON
"Wala kang kasama, Leo?" tanong ni Gabriel at saka pa prenteng naupo sa mahabang sofa.
Narito kami ngayon sa bahay nina Leo. Kapag ganitong nagka-cut class kami ay madalas kami rito dumeretso. Maliban sa walang tao dahil naka-out of town ang kaniyang parents ay malayo rin ito sa campus. And of course...
"Nasa taas si Shantal," sagot ni Leo.
Kumibot ang labi ko. Naupo ako sa katabi ni Melvin na siyang nananahimik. Ganito naman siya palagi. Kaya kapag gusto kong magpahinga sa ingay ng mundo ay sa kaniya ako tumatabi at sumama. Sina Paul Shin, Leo at Gabriel kasi ay lintik na mga daldalero.
Si Kris naman ay seryoso rin naman, pero hindi ako kumportable. Hindi ko alam kung ako lang ba. Masyado kasing mataas ang tingin ko sa kaniya. Well in fact, siya ang naturingang leader sa grup
