"May susundo ba sa 'yo?" tanong ni Kendra sa kaniya. Nauna na nang umuwi ang dalawa niyang kaibigan dahil may importanteng pupuntahan pa ang mga iyon.
"Oo, meron. Sige na, mauna ka nang umuwi," pakli niya rito.
"Sigurado ka? Baka mamaya, walang susundo sa 'yo," alalang wika nito.
"Oo, sigurado ako. Huwag kang mag-alala, mamaya, narito na iyon," pakli niya.
"Sige, mauna na ako, ha? Pagaling ka" paalam nito. May pabeso-beso pa ito sa kaniya.
"Oo, mag-iingat ka," tugon niya. Kumaway pa ito sa kaniya bago pumasok ng kotse.
Nasaan na kaya si Manong? Nangangati na ang puwet ko sa kauupo rito. Bakit kaya natagalan siyang sumundo ngayon?
Biglang nag-ring ang cellphone niya, kaya kinuha niya kaagad iyon para sagutin, "Hello."
"Señorita, hindi po ako makakasundo sa iyo ngayon dahil ma
