"Isa-isa ko kayong pinakinggan kanina, mukhang may hindi kayo pagkakaintindihan sa isa't isa. Kayong apat ang kinuha para maging role model sa lahat ng estudyante at isa pa, para maturuan kayo kung paano ninyo matutulungan ang ibang estudyante, o kahit sino man, sa pagharap sa hamon ng buhay. Paano ninyo matutulungan ang inyong kapwa kung kayo mismo ay hindi nagkakasundo?" Napayuko na lamang ang apat habang sinisermonan. "May ipapakita ako sa inyong mga picture," dagdag pa nito.
Bumungad sa kanila ang mga larawan ng private part ng katawan. Napatakip siya ng kaniyang mga mata sa nakita niya. Hindi niya akalaing gano'n ang ipapakita sa kanila. Nagkamali lang ba siya sa pinapakita niya?
"If you are open-minded, hindi ka mahihiyang tingnan ang mga larawang 'yan. Bilang isang tao, kailanga
