Halos hindi siya makatulog dahil sa kaiisip kung mananatili pa ba siya sa mansion. Mahal niya ba talaga ako? Hindi ko akalain na matatagpuan ko siya rito.
Alas otso pa lang ay bumangon na siya dahil sasamahan pa siya ni Lilia sa Bicol International Airport. Tutal ilang oras din lang naman ay makakarating na sila sa BIA galing nang NAIA.
Naihanda niya na rin lahat ng gamit niya.
Pagpunta niya nang kusina ay nasurpresa siya dahil maraming pagkain ang nakahanda sa hapag-kainan. Ano kaya ang mayroon? Grabe namang mga pagkaing ito. Nasaan kaya sila Grandma? Inikot niya ang kaniyang paningin sa paligid.
Napatutop naman siya ng dibdib nang biglang sumulpot si Doña Estrella at ang dalawang apo nito. Lumabas din ang mga katulong.
"Surprise!" sabay-sabay na bulalas ng mga ito.
Napangiti
