Habang naglalakad si Deanna at ang tatlo niyang mga kaibigan papuntang peer counseling club ay biglang humarang sa kanila si Claire.
"Ano bang kailangan mo sa 'min?" kunot-noong tanong ni Kendra rito.
"Tumabi ka dahil hindi ikaw ang kailangan ko!" bulalas nito kay Kendra.
"Alam kong ako ang kailangan mo. Bakit ba?" pakli niya, at lumapit siya rito habang nakahalukipkip siya ng kaniyang mga braso.
"Akala ko ba hindi mo lalandiin si Amaury, pero bakit panay pa rin ang lapit mo sa kaniya? At talagang pumunta ka pa sa room nila," wika nito sa kaniya.
"May sinauli lang ako sa kaniya," wika niya.
"May sinauli ka nga ba, o talagang gusto mo siyang makita?" giit pa nito kaya talagang pinapainit nito ang ulo niya. Ano bang kalseng tao ang babaeng ito? Bukod sa selosa na, parang bata pa
