Nang umalis na si Amaury ay bumalot ang lungkot sa mukha ng tatlong kaibigan niya. Parang puwet ng manok ang mga nguso nito.
"O, bakit ang lulungkot ninyo? Para kayong uutangan diyan, e," pakli niya sa mga ito.
"Siyempre, akala kasi naman si Amaury talaga ang lalaking nag-confess tapos hindi naman pala," malungkot na saad ni Kendra.
"Pasensiya na kayo, hindi ko talaga kasi alam na hiniram lang pala ni Amaury iyong eyeglasses ng lalaking totoong nag-confess. Gusto ninyo bang dalhin ko rito ang lalaking iyon?" tanong niya sa mga ito.
"Talaga? Gagawin mo 'yang sinasabi mo?" pakli ni Pamela.
"Oo, naman. Hindi ba gusto ninyo siyang makilala?"
"Siyempre naman, para magkita na rin si Suzy at ang lalaking iyon. Kikilatisin muna natin siya kasi baka katulad siya ng mga manlolokong lalaki,
