Kinukulit ni Claire si Amaury na ihatid siya nito pauwi.
"Magpasundo ka na lang sa driver ninyo. Gusto ko nang magpahinga," tanggi ng binata rito, pero patuloy pa rin ito sa pangungulit.
"Parang wala naman tayong pinagsamahan kung tanggihan mo ako, e," giit pa nito.
Nang makita ni Amaury si Deanna ay tinawag niya ito. "Deanna!"
Lumingon naman si Deanna sa kaniya at lumapit ito sa kinaroroonan niya at ni Claire.
"Ano?" malamig na bungad ng dalaga.
"Grandma called me, sumabay ka raw muna sa 'kin pauwi," pakli niya, kaya napakunot naman ng noo ito.
"Pero—"
"Let's go!" biglang yaya niya.
Nagsalubong naman ang kilay ni Claire at halatang umuusok ito sa galit kahit hindi nagsasalita.
"Sigurado ka ba na walang susundo sa 'kin ngayon?" tanong nitong muli. Sa tono ng pananalita n
