"Sigurado ba kayong ito ang susuotin ko? Hindi kaya nakakahiya, baka sabihin nila na fan ako ng basketball team ni Amaury. 'Yong kay Claude na lang sana kinuha ninyo," wika niya.
"Wala naman kaming ibang jersey na nakita roon, e. Huwag ka na ngang mapili. Kung gusto, mag-bra't panty ka na lang," biro ni Pamela.
"Sige na nga, ito na lang."
"Pero in fairness, bagay na bagay sa 'yo. Mas lalong lumabas ang pagkaputi mo. Saan ka ba pinaglihi?" Suzy asked.
"Sa papel," biro niya rito.
"Huwag mo nga akong pinaglololoko. Nakakain ba ang papel?"
Nginitian niya ito, "Nagbibiro lang ako. Ang totoo, hindi ko talaga alam."
"BRO, hindi mo ba nakikita 'yon? Mukhang number one fan mo siya, ano?" Tumawa si Elton na parang nang-aasar.
Ano ba ang gustong ipalabas ng babaeng 'yon? Bakit suot niya
