Masaya silang nag-shopping ni Doña Estrella. Pupunta sana sila beach, kaya lang naisip niya na baka mapagod ito nang sobra, e, may pasok pa naman ito sa opisina kinabukasan.
"Grandma, heto po, maganda ang bag na ito. Maganda po ito kapag pumupunta kayo ng office," turo niya sa matanda. Tiningnan niya ang presyo no'n. "Kaso po, sobrang mahal pala nito. Iba na lang po ang piliin ko," pakli niya.
Napapangiti na lamang sa kaniya ang matanda. Kahit isang milyon pa ay kayang bilhin ni Doña Estrella, sa yaman ba naman nito. Pero hindi na lamang umiimik ito dahil alam nito kung anong klaseng buhay ang kinamulatan ng dalaga na gusto nito sanang maranasan din ng dalawa nitong apo para matuto naman ang mga ito na magtipid.
Pinagmamasdan lamang nito si Deanna. Nakailang dampot na ito ng bag pero
