Kanino kayang kuwarto ito? Dahan-dahan niyang binuksan ang pinto ng isang kuwartong naroon sa third floor. Hindi niya pa rin talaga mapigilan ang sarili niyang 'wag makialam sa mga nakikita niya.
Marahan niyang binuksan ang pinto pero nagulat na lamang siya nang biglang hinila ang braso niya ni Amaury. Hala, lagot na naman ako.
"Sino ba ang nagsabing pakialaman mo ang kuwartong 'yan?!" galit na tanong nito sa kaniya.
Paglingon niya ay bumungad sa kaniya ang seryosong mukha ni Amaury. Siya na naman? Hays, lagi na lang.
"Hinabol ko lang 'yong ipis, pumasok kasi sa loob ng kuwarto," pakli niya.
Huminga ito nang malalim, "Sa pagkakaalam ko, may multo rito, kaya nga walang nakatira, e."
Totoo kaya ang pinagsasasabi niya? Nananakot lang naman siya, e. Sabagay, nakapagtataka nga naman
