"Mukhang napapadalas ang pagsasama ninyo ng probinsyanang 'yon, ah!" bungad ng kaibigan ni Claude na si Terence.
Napangisi lamang siya sa sinabi nito sa kaniya.
"Sabihin mo nga sa 'min, totoo na ba 'yang pagmamalasakit mo sa babaeng 'yon?" tanong naman ni Mark.
"Hindi ko alam," tugon niya.
"Paanong hindi mo alam? Hindi mo ba alam kung totohanin mo na o isasabay mo siya sa listahan ng mga babaeng pinaglaruan mo?" biro pa ni Mark.
"Alam ninyo, wala akong balak magkagusto kay Deanna, kung nagiging close man kami ay alam ninyo na kung ano ang binabalak ko."
"Sinasabi ko na nga ba, kahit kailan talaga hindi ka naging seryoso. Kawawa naman ang probinsyanang iyon. Tiyak na makakalaban mo ang kapatid mo kapag pinaglaruan mo ang babaeng iyon. Naku, Bro, ano kaya kung itigil mo na ang bi
