"Baka mamaya malaman-laman namin boyfriend mo na ang isa sa magkapatid," pakli ni Kendra.
"Hindi 'yan mangyayari," tugon niya.
"Ang sarap namang mabuhay rito. Ang daming pagkaing masasarap, napakalaki ng kuwarto tapos pahiga-higa ka lang dahil madami ang katulong," wika ni Suzy.
"Oo nga, e. Pero bilisan na natin dahil baka mag-second period na, mapagalitan tayo," sabi ni Pamela.
Tiningnan niya isa-isa ang mga kaibigan niya. Kung alam lang nila kung gaano kahirap para sa 'kin ang tumira rito. Oo, makukuha mo lahat ng gusto mo pero iyong pagmamahal mula sa isang pamilya ay kailanman wala sa kanila. Habang tumatagal nare-realize ko na ang lahat, kung bakit kahit mayaman sila ay parang malungkot pa rin sila.
"Paano niyan, Deanna, aalis na kami, ha? Pagaling ka para makapasok ka na sa s
