Kinabukasan nang magising si Alec ay sumakit kaagad ang ulo nito. Napahawak ito sa ulo saka napaigik dahil sa pagkirot nito. Napatingin siya sa may pinto nang bumukas ito saka pumasok si Andy. Napaayos siya ng upo.
“Sorry kung lasing akong umuwi kagabi, Babe.” Huli niyang naalala kagabi bago siya nakatulog ay akay-akay siya ni Robert palabas ng club kaya sigurado siyang hinatid siya ng kaibigan kaya nandito siya sa bahay nila ni Andy ngayon.
Napatitig ito sa kanya at kalaunan ay napabuntong-hininga. “Dahil ba sa akin kaya ka naglalasing?” Hindi siya nakasagot at napatitig lang dito. “Dahil ba sa trato ko sa ‘yo?”
“What do you mean, Babe?”
Inilagay nito sa bedside table ang dala nitong tray. Umupo ito sa tabi niya saka hinawakan ang kamay niya. “Alam kong medyo nagbago ang pakikitungo k
