Balik sa normal ang pag-uusap nina Andy at Savanna. Nawala din kasi ang pagdududa niya dahil hindi naman palaging nag-uusap ang asawa niya at kaibigan. Halos hindi nga ito nag-uusap, halos hindi din nakikipag-usap sa kanya si Savanna kapag nandiyan si Alec dahil palagi itong binabara ng asawa. Pakiramdam tuloy niya ay may sama ng loob si Alec kay Savanna.
Nakahiga na siya sa kama habang nakaupo naman si Alec sa kama. “Babe, may tanong ako sa ‘yo.” Tumingin ito sa kanya habang nagtatanong ang tingin. “Nag-away ba kayo ni Savanna?”
Natigilan ito. “H-Hindi naman.” Napaiwas ito nang tingin sa kanya. “Bakit mo naman naitanong ‘yan?” Tumingin ito sa laptop at nagpatuloy sa ginagawa nitong report.
“Napapansin ko kasi na hindi na kayo masyadong nag-uusap.”
“Kahit noon pa man talaga ay hindi na
