Alas siyete ng umaga ng magising si Mandie dahil sa pagtilaok ng mga manok sa kabilang bahay. Pupungas pungas na tumagilid siya ng higa. Nang makita niya si Taru na natutulog sa tabi niya ay napangiti siya. Tuluyan nang nawala ang antok niya habang pinagmamasdan ang maamong mukha nito. Mahimbing ang tulog ng binata kaya hindi na siya nag abalang gisingin pa ito.
Nang maalala ang nangyari kagabi ay napangiti siya. Talagang pinandigan niya na huwag itong kausapin o magpayakap man lang. Nakatulog na rin siya dala ng matinding pagod. Pero nagising siya bandang alas dose ng gabi dahil panay ang biling ni Taru sa higaan nila. Nang hindi na ito makatiis ay basta na lang nito hinagis sa kung saan ang unan na nakapagitan sa kanila. Umusod ito palapit sa kaniya. Iniyapos nito ang kamay sa bandang
