Three months later.......
“Plano mo ba talagang lunurin ang sarili mo sa pagod?”
Malamig na tingin ang isinalubong ni Taru sa daddy niya matapos niya itong pagbuksan ng pinto. Sa loob ng ilang buwan na pilit niya itong iniwasan ay ngayon lang sila muling nagkita. Tinalikuran niya ang ama at dumiretso sa loob ng mini office niya.
Pagkatapos ng natuklasan niya ay inilayo na niya ang sarili sa mga tao. Bumili siya ng isang farm sa Laguna at doon siya tumutuloy ngayon. Minsan sa isang linggo lang siya bumisita sa opisina at tanging sa phone calls o e-mails lang siya maaaring kausapin ng sekretarya niya. Hindi rin naman nagpumilit ang daddy niya na kausapin siya. Mas mabuti na rin iyon dahil wala siyang balak na makipag usap kahit na kanino.
“Three months ka nang nagpapakagago, Kentaru,”
