Pipihitin na niya ang seradura ng pinto ngunit agad siyang natigilan dahil naramdaman niya ang makisig na braso ni Cedrick na ang pumulupot sa kanyang beywang. Agad siyang napapikit ng mariin, parang hindi niya kayang humakbang pa kapag ganitong magkadaiti ang kanilang mga balat.
"Please Janna wag mo akong iwan, lumaban ka naman. Akala ko hindi mo ako iiwan ng basta na lang, napakababaw na dahilan yung nais mo na ituloy ko ang pagpapakasal Janna Mae nang dahil lamang sa nakatakda na iyon. Baka naman mas mahalaga siya kesa sa'kin kaya ako magsakripisyo para lamang sa kasiyahan ni Janna Mae. Isipin mo naman kung ano ang hirap ko noon para lamang mahanap ka bilang si Bonenay. Tsaka ikaw ang mahal ko, ikaw lamang ang nais kong makasama habang buhay. M-Maawa ka naman sa akin Janna, a-ayokong
