Simula ng mangyari ang insidenteng iyon kay Janna at kay Leonard, palaging tulala at wala sa sarili si Janna. Hindi niya matanggap sa kanyang sarili na nakaya niyang gawin ang bagay na iyon. Parang may kung anong demonyo ang sumapi sa kanya ng sandaling iyon dahil batid niyang ibang-iba siya ng mga sandaling iyon. Nagawa niyang manakit at makipagniig sa taong wala naman siyang nararamdaman. Lubahang nakakatakot at nakakabahala ang nangyayari sa kanya.
Tiyak naman na hindi malalaman ng sinuman ang lihim niya dahil kinausap niya si Leonard. Pinagbantaan niya ito na sasabihing ginahasa siya nito, at ipapakulong niya ito. Sabi pa niya tiyak na paniniwalaan siya kapag nagsumbong siya kina Mother Superior. Pero tiniyak naman nito na hindi ito magsusumbong dahil mukhang umaasa ito na may kung
