“Bakit ka umiiyak, Eve? Sinong nang away sayo? Sinaktan ka ba?” buong pag-aalala ni Adan ng makita si Eve na tahimik na lumuluha sa sulok ng kama nito.
Kauuwi lang ng binatang kapitbahay buhat sa kung saang trabaho nito at sa bahay nga ni Eve tumuloy.
Umiling si Eve bilang tugon at saka yumakap kay Adan.
“Adan, pinagkakaisahan nila ako. Ayaw talaga nilang malaman ko kung nasaan ang asawa ko at kung anong nangyayari sa kanya,” sumbong ni Eve habang nakayakap sa baywang ng binata.
“Anong pinagkakaisahan ka? Paano mo nasabi?” mga tanong pa ni Adan.
“Nagpunta ako kanina sa kompanyan ni Elmer para magtanong kung may update man lang sa kanya pero hindi ako pinapasok ng guwardiya. Mabuti na lang at nilapitan ako ng isang empleyado na kakilala ako pero talagang wala rin akong napala. Wala ako
