“Wow! Ang ganda naman dito, Adan!” hindi mapigilang bulalas ni Eve ng makita ang magandang tanawin.
Nagyaya si Adan na mag outing sila para kahit paano ay makalimutan ni Eve ang problema tungkol sa asawa niyang hindi na talaga nagparamdam.
“Salamat naman at mukhang nagustuhan mo, Eve. Mas maganda na iyong mag-iba naman kahit paano ang kapaligiran mo para mabago ang mood mo. Lagi ka lang din kasi sa bahay mo o kaya naman ay naiisipan mo pang puntahan kung saan ang trabaho ng asawa mo. Tama na muna ngayon. Huwag mo munang isipin ang tunay na mundo mo. Sa ngayon ay hayaan mo muna na mag enjoy ka sa lugar na ito kahit saglit lang sa buhay mo,” pahayag ni Adan ng dalhin si Eve sa isang lugar na malayo sa kanilang bahay.
“Paano mo natuklasan ang lugar na ito, Adan? Dito ka ba talaga nakatira?
