“Hon, ano ba? Hindi mo na ba talaga ako kakausapin?” tanong ni Eve habang patuloy ang pagtawag niya kay Elmer kahit ring lang naman ng ring ang cellphone nito.
“Hon, sagutin mo na naman please,” pakiusap na naman ni Eve.
Ngunit ilang chat at tawag na naman ang ginawa niya ay wala na namang natanggap na sagot sa asawa.
Ibinaba na lang ni Eve ang cellphone sa ibabaw ng kama at saka naglakad palabas ng bahay dahil gusto niyang makasagap ng sariwang hangin sa pagkadismaya na naman na hindi sagutin ang tawag niya.
Pagbukas ng pinto ay malamig na hangin ang sumalubong kay Eve dahil ang sabi sa balita ay maghanda dahil may parating na bagyo.
Niyakap ni Eve ang sarili at saka na nagmuni muni.
Tumingin sa madilim na kapaligiran na tanging mva ilaw lang sa poste ang nagsisilbing liwanag ng daa
