“Eve, pasensya ka na kung nakagulo pa yata sa inyong mag-asawa ang pagsunod mo sa payo ko,” sabay katok na naman ni Adan sa pinto ng bahay ni Eve pero hindi pinagbubuksan ng babae na masamang masama ang loob.
“Sorry na, Eve. Ano bang dapat kung gawin para mapalubag ko ang loob mo? Sabihin mo lang at gagawin ko mapatawad mo lang ako,” ani pa ni Adan ngunit walang nakukuhang sagot kay Eve.
“Hoy, Eve! Sumagot ka naman. Para na akong tangang salita ng salita dito tapos hindi ka naman sumasagot,” reklamo na ni Adan.
Umupo na lang muli ang lalaki sa isa sa mga bangko sa terrace dahil balak na hintayin na pagbuksan siya ng kapitbahay na mapagbigay ng masarap na ulam.
Tinatawagan din ni Adan si Eve ngunit hindi rin sumasagot ang babae.
“Kung gusto samahan kitang mamasyal? Treat kita sa magaga
