“Pa, aalis po ako ngayong gabi. Sa labas ako kakain.” Usal ko habang tinutulungan niyang maghain ng hapunan ang nanay ko.
“Sinong kasama mo? Si Luz?”
“Ah, hindi po Pa. Kaibigan ko lang.”
“Babae o lalaki?”
“Kailangan mo pa bang malaman pa?”
“Syempre, para alam ko kung sino ang hahanapin ko kapag hindi ka nakauwi.”
Tumikhim ako at naghugot ng hininga. Pasulyap-sulyap pa ang nanay ko sa akin, mukhang may gustong sabihin pero pinipigilan ang sarili.
“Mabait ‘yon pa, h’wag kang mag-alala.”
“Tinanong ko kung babae ba o lalaki nak, hindi ko tinatanong kung mabuting tao ‘yon,”
“Hayaan mo na ang anak natin Jordan, malaki na siya, she knows what she’s doing.” Komento niya saka ako tiningnan at nginitian. I don’t know what to react to her so I just ignored her and then looked at my father.
