“Si Carmela, nasaan? Tsaka ano ba ‘yung pag-uusapan natin?” tanong ko agad nang makarating ako sa terrace. Doon kasi ako dinala ng kasambahay at naabutan ko nga si Steve na nakatayo at hawak ang isang kopita.
Lumingon siya sa akin at nilapag niya ang kopita sa pasamano.
“Katarina, nandiyan ka na pala.” Boses ni Carmela mula sa aking likod.
“Ano ba ang nangyayari, Carmela? Kung tungkol na naman ito sa kayaman ni Marco ay hindi ko kukunin.” Mariin kong turan pero umiling si Carmela.
“Mabuti pa at mag-usap kayo ni Steve. Kunin muna si Carina at maglaro sila ng mga bata.” Sagot ni Carmela kaya wala na akong nagawa kundi ang tumabi sa pagtayo ni Steve.
“Katarina, tungkol nga kay Marco ang pag-uusapan natin pero hindi tungkol sa kayaman niya.” Saad nito.
“Sige, magpatuloy ka.” Sagot
