“Nesvin? Hindi po ba international brand iyon? At ang may-ari ng Nesvin ay si Seferina Imperial–”
“At ako iyon, apo. Ako rin iyong ginawaran ng Woman of the Year sa magkasunod na taon dahil sa mga achievements ko at ng kumpanya namin ng namayapa kong asawa,” putol niya sa akin. Lalong halos lumuwa ang mga mata ko.
“Dad, naalala ni’yo po noong sinabi ko sa inyong kaapelyido siya ni mommy tapos nagbiro ako, paano kung kamag-anak natin siya, eh, ‘de puwede tayong makihati sa kayamanan niya. Tapos ngayon…” hindi pa rin makapaniwalang naibulalas ko. Tumawa rin si daddy at sumang-ayon sa akin.
“Naalala ko, anak. At tinawanan na lang din namin ng mommy mo noong banggitin ko sa kaniya. Gustong-gusto naming sabihin sa iyo kaya lang hindi kami handa,” tugon ni daddy.
“Ngunit sa kabila ng napakar
