May pagkagimbal nilang pinanood ang nilalaman ng video footage. Mula sa pagdating ni Coleen sa parking area hanggang sa pagdukot sa kaniya ng mga hindi kilalang lalaki. Ilang beses nilang tinignan sa zoom mode ang bahagi ng sasakyan kung saan maaaring makita ang plate number nito ngunit sa kasamaang palad ay walang nakakabit na plaka rito.
“Sir, ano’ng gagawin namin ngayon? Hindi ito puwedeng lumabas sa media dahil baka lalo lamang lumala ang lahat,” tanong ni Seferina sa mga pulis. Yakap-yakap ni Walter ang asawa na ngayon ay tuloy-tuloy lang sa pag-iyak. Tahimik lang namang nagmamasid ang ilan pang naroroon.
“Base ho sa CCTV na nakuha natin, mukhang kilalang-kilala ng mga kidnappers ang target nila. Sa ngayon po, kailangan din nating makita ang ilan pang anggulo para malaman natin kung
