Ilang segundo lang ay nasa loob na rin si Orly. Iyan ang pangalan noong columnist na nag-published ng fake news tungkol kay Sander.
“Orly, sabihin mo kay Miss Vergara kung sino ang babaeng ito na kasama ni Congressman Marconi sa pictures,” utos ni Mr. Galvez. Nang-uuyam niya akong tiningnan bago nilingon ang mga pictures.
“Kuha ang mga larawang iyan ilang buwan pa lang ang nakararaan. At ayon sa source ko, married ang babeng iyan sa isang banker,” malakas ang loob na pagmamayabang pa nito sa harap namin. Muli ay gusto ko na namang matawa pero pinigilan ko ang sarili ko.
“That’s correct,” pagsang-ayon ko.
“See? So walang fake news. Totoong nakipag-date si Congressman sa isang babaeng may asawa. He is immoral and not deserving to be the next vice-president of this country,” mataray na pa
