Muli akong naupo sa gilid ng kama dahil nakukunsimi ako. Wala akong bihisan. Ni hindi ko mahanap iyong mga damit ko kahapon. Inis akong napahilamos sa mukha ko at kasabay naman niyon ang pagbukas ng pintuan ng kuwarto. Mula doon ay pumasok si Sander. Nakaligo na rin siya base sa pagkabasa ng buhok niya. Nakasuot siya ng puting t-shirt at dark green na shorts.
“Bakit hindi ka pa nagbibihis? Kung iniisip mo ang pamalit, marami ka no’n dito. Nasa walk-in closet, sa may bandang kanan. Lahat ng naroroon ay para sa iyo,” pagbibigay-alam niya sa akin. hindi ko siya tinitingnan kaninang nagsasalita siya. Pero ngayon ay napilitan na akong lingunin ang kinaroroonan niya.
“Uuwi na ako, Sander!” sabi ko at tumayo para pumunta sa sinasabi niyang walk-in closet.
“No!” ngunit napahinto ako sa paglalak
