Dahan-dahan akong lumabas. Nasa dulong bahagi pala itong kuwartong kinaroroonan ko at medyo mahaba ang tahimik na pasilyo. Maingat akong lumakad hanggang marating ko ang hagdanan. Binagtas ko iyon pababa hanggang sa marating ko ang maluwang at very cozy na sala. Walang kahit isa mang tao ang naririto at napakatahimik ng buong bahay.
Kami lang kaya ang nandito?
Hinanap agad ng mga mata ko ang main door at napangiti nang makakita ng malaking pintuan. Agad akong lumakad patungo roon. Binuksan ko ang malaking pintuan para lamang madismaya nang makita ang maraming bantay sa labas.
“Ma’am, may kailangan po ba kayo?” magalang na tanong ng lalaking nakatayo mismo sa tabi ng pinto. Nagtagis ang mga ngipin ko at matalim siyang tiningnan. Naging alerto naman agad ang mga kasamahan niya.
“Gusto ko
