NAHAHALATA na ni Frostine ang pag-iwas ni Maxwell sa kanya ng ilang araw. Kapag kakausap niya ito ay palagi niyang sinasabing busy siya minsan ay hindi pa kinakausap.
Naunang naglakad si Maxwell, papasok sa kanyang kumpanya, tahimik na sumunod si Frostine. Nakatingin lang siya sa binata, hindi niya alam if paano kakausapin ang binata.
Sumakay sila ng elevator, si Frostine na ang pumindot kung anong Floor sila.
"Mr. Hermida, tumawag sa akin si Lucian kagabi. May pag-uusapan daw kayong dalawa, hindi niya sinabi kung ano iyon." Seryosong sabi ni Frostine, pero parang hindi narinig ni Maxwell. Huminga ng malalim si Frostine, sinusubukang pakalmahin ang sarili.
Walang nagsasalita sa kanilang dalawa, hanggang sa magbukas ang elevator. Naunang lumabas si Maxwell, nanatiling nakasunod ang dal
