NAKATINGIN sa malaking salamin si Frostine, habang inaayos ng hairstyles ang kanyang mahabang buhok. Nakasuot ng Kimono si Frostine, pinadala ito ng kanyang lolo kaya wala siyang choice kundi 'yon ang isuot. Geisha and Maiko hairstyle ang napili ni Frostine, gusto niyang sulitin 'yung bayad. Habang inaayosan ay kumakain siya ng pinabalatan niyang pakwan, sinasawsaw niya ito sa mayonnaise.
"Miss Frostine, nakahanda na ang gagamitin niyong sasakyan. Hinihintay ka na rin ng iyong ama." Seryosong sabi ni Butler Ogami habang nakatingin sa dalaga, hindi talaga maipagkakaila na siya ang anak ni Farrah. Para silang pinagbiyak na bunga, kahit saang anggulo ay para talagang si Farrah.
"Matagal pa bang matapos 'yan? Kanina pa sila hinihintay ni Mr. Fukuda, alam mo naman na ayaw niyang naghihintay
