Bumadha sa mga mata ni Daddy ang pagtataka nang makita akong kasama ni Calix pero di na ito nagkomento pa.
Pumwesto ako sa pinakadulo ng conference table upang di ko maisturbo kung ano mang pag-uusapan nila dahil nagbukas ng laptop si Daddy pagkakita niya na kasama na rin naming dumating si Ate Lirah.
Habang pinanood ang seryoso nilang dini-discuss ni Ate Lirah at Daddy ay sinulyapan ko si Calix.
Walang ekspresyon itong nakatitig doon sa kung anong nasa laptop ni Daddy.
"What do you think, Calix?"
Di ko maiwasang magtaas ng kilay nang bumaling si Daddy kay Calix.
Bakit niya tinanong ang opinyon ni Calix tungkol sa pinag-uusapan nila ni Ate Lirah? Para namang may maibigay itong magandang sagot.
"Mas pabor kung piliin natin iyong H- Company," seryosong sagot ni Calix.
Hindi ko alam k
