Marami ang nagulat na mga mamamayan sa kinalabasan ng naging kaguluhan sa plaza. Dahil ang taong kanilang kinatatakutan at ninais na mamatay ay biktima lang pala ng mga maling paratang ng mag-amang Driscoll. Na ang mga opisyales na inaakala nilang kakampi ay siya pala na lihim na tuma-traydor sa kanila.
Sa nakalap kasi na ebidensiya ni Prinsipe Beau ay natuklasan nila na hindi lang ang mga Driscoll ang traydor sa palasyo. Marami pang mga pangalan ng matataas na opisyales ang nasangkot sa masasama nilang gawain. Kabilang na roon si Viscount Jarmel na siyang umaakto na biktima rin ng binatang duke.
Dahil doon ay lumabas na rin ang katotohanan na isang kasinungalingan lang din ang sinasabi niya na panggagahasa ni Duke Cailen sa kanyang anak na si Getrude. Umiiyak na umamin na ang anak niya
