Malakas na napasinghap sina Annie nang mapag-alaman nila kung sino ang bisita ng kanilang duke. Samantala labis labis ang pagtataka ko kung ano ang ginagawa ng mga karwahe ng Driscoll sa mansyon ni Duke Cailen.
Lalo na alam ko na hindi magkasundo ang dalawang duke. Posible kaya na nagkaroon sila ng koneksyon na hindi ko nalalaman?
Ngunit akala ko ba ay wala namang balak si Duke Cailen na agawin ang trono mula sa prinsipe?
Ano na ba talaga ang dahilan ng nangyayaring ito?
Naramdaman ko ang paghawak ni Annie sa aking braso. "M-Miss Ada... Mas mabuti na bumalik muna kayo sa inyong kwarto..." nagmamadaling pang sambit nila at sinubukan na hilahin ako pabalik sa aking kwarto.
Ngunit binigatan ko ang aking mga paa para hindi sila na magtagumpay na mapaalis ako sa aking kinatatayuan. Kahit
