Mahigpit na napayakap ako sa leeg ng duke habang ninamnam ang kanyang labi na nakalapat sa aking labi. Ilang linggo lang kami hindi nagkita na dalawa pero pakiramdam ko na ilang taon na ang nagdaan.
Kaya ipinaramdam ko sa aking halik ang labis na pangungulila sa kanya mula sa mga nagdaang araw na magkalayo kami. Ginantihan naman ni Duke Cailen ang intensidad na iyon at ipinaramdan din sa akin ang kanyang pangungulila sa aking presensiya.
Mas hinapit ako ng duke palapit sa kanyang katawan kaya naging mas malalim ang kanyang binibigay na halik sa akin.
"Kyaaah!" biglang malalakas na tilian ng triplets at kilig na kilig na naghampasan sa bawat isa kaya doon natauhan ako sa aming ginagawa ni Duke Cailen sa kanilang mga harapan.
Agarang bumitaw ako mula sa pagyakap sa kanyang leeg at hiya
