Sinamaan ko ng tingin si Kuya Carnell sa paglaglag niya sa akin. Talagang iniisip niya na imposible na magkagusto sa akin ang duke dahil lang sa aking manang na itsura. Aaminin ko na sinadya ko ito para hindi makuha ang buong atensyon ng duke dahil may gintong mga mata ako katulad ni Agatha.
Iyon nga lang ay hindi ko alam kung dapat lang ang ginawa kong iyon. Dahil kung alam kaya ng duke na may gintong mata ako ay hahabulin pa kaya niya si Agatha habang nagbubuntis ako?
Pero bigla ko naalala ang masamang balak ni Duke Cailen sa aking libro. Biglang kinikilabutan ako at napayakap sa aking sarili.
Dahil kung sakali na natuklasan ng duke na may gintong mata ako...
Ano kaya ang ginawa niya sa akin sa basement?
Posible kaya dinukot na niya ang mga ito at ginawang kanyang koleksyon?
Mukh
