"Hay..."
Malakas na pagpapakawala ko ng buntong hininga. Inaayos ko kasi ngayon sa isang maleta ang aking mga gamit. Sa totoo lang ay maaari ko naman na hinding dalhin pa ang mga gamit ko rito. Pero biglang naisip ko na mas mabuti na rin dalhin ko ang mga ito kaysa itapon ng duke sa oras na umalis na ako.
"Hay..."
Muling pagkawala ko ng buntong hininga at isinara na ang zipper ng maleta.
"Ada..." seryosong pagtawag sa akin ni papa, "Hindi ka pa ba tapos diyan? Kailangan na natin umalis bago maisipan muli ng duke na pigilan ang pag-alis mo," nagmamadaling dagdag niya.
Kanina pa nakabantay sa akin si papa mula ng umalis si Duke Cailen. Alam ko na marami siyang gustong itanong sa akin pero mas prioridad na makaalis muna kami sa mansyon ng Elrod.
"Ah... T-Teka lang po... T-Titignan ko k
