"Ada, ipagtimpla mo ako ng kape."
"Ada, lampasuhin mo ito."
"Ada, natapos mo na ba ang pinalalabhan ko?"
"Ada, nasaan na ang pagkain ko?"
"Ada, linisin mo ang hagdan."
"Ada, natapos mo ba ang pinapagawa ko?"
"Ada, pumunta ka sa kwarto ko at kunin mo ang pamaypay ko."
"Ada, huwag ka muna umalis may ipapagawa pa ako sa iyo."
Sa nagdaang limang araw ay naging ganoon ang scenario ng aking buhay. Nag-tra-trabaho ako ngayon bilang personal alalay ng isang nag-re-reyna-reynahan na anak ni Duke Driscoll.
Sa ganitong tagpo ay naaalala ko tuloy ang panahon kung saan abot langit ang aking pagsumpa kay Vanessa dahil sa kanyang ginawang pang-aalila sa akin. Hindi ko akalain na mangyayari muli ito sa aking pangalawang buhay at sa kasing ugali pa ni Vanessa.
Hindi ko alam kung ipinadala ba ni
