ISANG lalake ang dumikit sa likuran ni Florence. Sa tantiya niya, nasa late twenties ang edad ng lalake. Mukha itong executive ng isang private company. Kinuha noon ang high chair na tinayuan ni Jelai kanina, hinila sa tabi niya at saka inokupa.
Napatingin siya sa direksiyong nilakaran ng mga kaibigan. Hindi niya tuloy naiwasan ang paglapit ng mukha ng lalaki sa gilid ng ulo niya.
"I hope you don't mind..." anito at muling tumuwid.
Naghahalo ang amoy ng mamahaling pabango nito at ng ininom na alak.
Tumikhim ito at mabilis siyang nag-iwas ng mukha nang muling magsalita ang lalake sa gilid ng kaniyang ulo.
"Are you alone?"
Tumingin siya rito at inilahad ang baso ng mga kasama.
"Kasama ko po ang mga kaibigan ko, Sir," pormal na sagot niya at nag-isip ng paraan kung paano ito iaaboy.
"
