TILA may anghel na dumaan sa ibabaw ng mesa pagkatapos ng sinabing iyon ni Colin. Nanatili ang titig nito sa kay Florence at siya man ay gayon din. She breathed. Kaunti na lang talaga ay mailuluwa na niya ang puso sa tindi ng pagwawala noon.
"Ano, 'Tol?" basag ni Icarius pagkaraan ng ilang sandali. Kitang-kita niya ang pagtataka sa imahe ni Icarius na nilingon ng mga nasa mesa.
"Sa kaniya? Sinong… kanino?" tanong nito at biglang tumahimik. Pagkuwa'y hinayon ang linya ng mga mata ni Colin hanggang sa matagpuan siya.
Halos mamutla muna siya sa klase ng titig ni Icarius bago natawa nang may tensiyon at tumingin kay Colin.
"K-kanino nga ba, Colin? I guess you're talking about your mom." Ngumiti siya upang maitago ang nararamdaman.
No, no, no! He wasn't referring to her! Hinding-hindi na s
